هەڵەیەک روویدا! دووبارە هەوڵبدە
د. ژینۆ خالید و دکتۆر لونا لەنێو ستۆدیۆی سلێمانی.
رووداو - تەندروستی
پسپۆڕێکی پیسبوونی ژینگە رایدەگەیێنێت، وشکەساڵی راستەوخۆ خاک لەنێو دەبات، بەمەش بەپیتیی بەرهەمە خۆراکییەکان دادەبەزێت و ڤیتامین و مادە کانزانییەکانی نێو بەروبوومەکان نامێنن، بەمەش دەگوترێت برسێتیی شاراوە.
ئەمڕۆ یەکشەممە 13-7-2025 د. ژینۆ خالید، پسپۆڕی پیسبوونی ژینگە لە بووڵتەنی تەندروستیدا رایگەیاند، دیاردەی بەبیابانبوون لە هەرێمی کوردستان دەرکەوتووە و نزیکەی 40٪ بۆ 60٪ ئاستی وشکەساڵی تووندتر بووەتەوە.
د. ژینۆ خالید دەڵێت: وشکەساڵی کاریگەریی لەسەر ئاژەڵ، رووەک و خاک دەبێت کە زیندەوەرە کێوییەکان کەم دەبنەوە و رووەکەکانیش لەنێو دەچن.
باسی برسێتیی شاراوە دەکات و روونی دەکاتەوە، کاتێک تەماتە یاخود خەیار دەخورێت، بەهای خۆراکییان تێدا نییە و جەستە سوودیان لێ نابینێت، بەمەش دەگوترێت برسێتیی شاراوە، چونکە کەسەکە خۆراکەکە دەخوات، بەڵام جەستەی هیچ مادەیەکی خۆراکی وەرناگرێت.
بەپێی ئەو پسپۆڕە کە ئاماژە بە توێژینەوەیەک دەکات لەبارەی رێژەی ئاوی دووکان و دەڵێت: 50٪ دابەزیوە و کواڵیتییەکەی دابەزیوە، بەمەش نەخۆشی بڵاو دەبێتەوە و گیاندارەکانی نێو ئاوەکەش بەرەو نەمان دەچن.
زیانەکانی وشکەساڵی لەسەر سیستمی ژینگەیی؛
- کەمبوونەوەی بارانبارین و بەرزبوونەوەی پلەکانی گەرما.
- وشکبوونی خاک، رووبار و سەرچاوەکانی ئاوی ژێر زەوی.
- لەنێوچوونی رووپۆشی رووەکیی سرووشتی و کەمبوونەوەی بەروبوومی کشتوکاڵی.
- لەنێوچوونی لەوەڕگەکان و کەمبوونەوەی ئاو، کە دەبێتە هۆی مرداربوونەوەی ئاژەڵی کێوی و ماڵی، یان ناچارکردنیان بە کۆچکردن.
- بەهۆی رووتبوونەوەی خاک و نەمانی درەخت، دیاردەی خۆڵبارین و گەردەلوولە لمینییەکان زیاد دەکات.
وشکەساڵی و کەریگەرییە نەرێنییەکانی لەسەر مرۆڤ
- نەخۆشییەکانی کۆئەندامی هەناسە .
- هەستەوەری.
- نەخۆشییە گوازراوەکان.
- بەدخۆراکی.
- گوشاری دەروونی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ