هەڵەیەک روویدا! دووبارە هەوڵبدە
تەندروستی
روونکردنەوەی چۆنیەتیی پێدان و بەکارهێنانی دەرمانەکە بە قوربانییانی چەکی کیمیایی رووندەکرێتەوە. وێنە: رووداو
رووداو - تەندروستی
لە هەڵەبجە دەرمانێکی نوێ بۆ چارەسەرکردنی بەرکەوتووانی چەکی کیمیایی تاقیدەکرێتەوە، ئێستا لە قۆناخی تاقیکردنەوەیە بۆ بەشێک لە بەرکەوتووان و پسپۆڕێک دەڵێت، ئەگەر سەرکەوتوو بێت، ئەوا بۆ هەموو نەخۆشەکان بەکاردێت.
ئەمڕۆ دووشەممە 14-4-2025 د. رێبوار باوەیسی، پسپۆڕی نەخۆشییەکانی هەناو لە نەخۆشخانەی بەرکەوتووانی چەکی کیمیایی بە رووداوی راگەیاند، ئێستا 93 بەرکەوتەی چەکی کیمیایی پێویستیان بەو دەرمانەیە و هەوڵ دەدەن لە کەمتر لە دوو مانگدا بۆ هەموویان دابینبکرێن، بەڵام ئێستا بەشی 75 نەخۆش هەیە.
د. رێبوار باوەیسی روونی دەکاتەوە، دەرمانەکە داهێنراوی وڵاتی ئێرانە و لەوێ بە نەخۆشەکانیان داوە و دەرکەوتووە، دەرمانەکە سەرکەوتوو بووە، هەر بۆیە هێناویانەتە هەڵەبجەش تاوەکو لەسەر بەرکەوتووانی چەکی کیمیایی تاقیبکەنەوە.
هەروەها ئەوەشی باسکرد کە دەرمانەکە بەشێوەی خۆبەخشی لەژێر سەرپەرشتیی بەڕێوەبەرایەتیی گشتیی تەندروستیی هەڵەبجە هاوردەی هەرێمی کوردستان کراون.
دیبەیت؛ تاوتوێکردنی کێشە تەندروستی و کارگێڕییەکانی قوربانییانی کیمیابارانی هەڵەبجە {لێرەوە بیبینە}.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ