رووداو - تەندروستی
توێژەرێک لە ئەمریکا ئاماژە بەوەدەکات کە تەنیایی کاریگەریی لەسەر یادگەی کەسانی بەساڵاچوو هەیە، بەڵام پرۆسەی تێکچوونی هزرییان بە تێپەڕبوونی کات خێراتر ناکات.
توێژینەوەکە لەلایەن د. لویس کارلۆس لە زانکۆی دێل رۆزاریۆ لە کۆڵۆمبیا لەسەر 10 هەزار کەس کراوە و دەرکەوتووە ئەو بەشداربووانەی ئاستی بەرزی تەنیاییان هەبووە، لە سەرەتای ماوەی توێژینەوەکەدا لە تاقیکردنەوەکانی یادگەدا ئەنجامی خراپتریان بەدەستهێناوە، لەگەڵ ئەوەشدا توانای ئەو کەسانە بۆ بیرهاتنەوەی زانیارییەکان بە هەمان رادەی ئەو کەسانە کەمیکردووە کە هەستیان بە تەنهایی نەکردووە.
دەرەنجامە سەرەکییەکان:
کاریگەریی سەرەتایی: ئەو کەسانەی هەستیان بە تەنهایی دەکرد، لە سەرەتای توێژینەوەکەدا توانای بیرهێنانەوەی خێرا و دواخراویان لاوازتر بوو.
رادەی کەمبوونەوە: رادەی کەمبوونەوەی یادگە لەنێوان ئەو کەسانەی هەستیان بە تەنهایی دەکرد و ئەوانەی هەستیان پێنەدەکرد، هاوشێوە بوو.
پەیوەندی بە نەخۆشییەکانی دیکەوە: ئەو گرووپەی ئاستی بەرزی تەنهاییان هەبوو، زیاتر ژن بوون، تەمەنیان گەورەتر بوو و زیاتر تووشی خەمۆکی، بەرزیی پەستانی خوێن و شەکرە ببوون.
جیاوازیی جوگرافی: وڵاتانی باشووری ئەوروپا بەرزترین ئاستی تەنهاییان تۆمارکردووە (12%)، دوای ئەوان ناوچەی رۆژهەڵات (9%)، ناوەڕاست (6%) و باکوور (9%) دێن.
د. لویس کارلۆس ئاماژە بەوەدەکات "تەنیایی کاریگەرییەکی بەرچاوی لەسەر یادگە هەبووە، بەڵام لەسەر خێرایی کەمبوونەوەی یادگە بە تێپەڕبوونی کات نەبووە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ