دەستەی پزیشکانی ددان لە بەریتانیا: سەردانکردنی خەڵکی بۆ پزیشکانی ددان کەمیکردووە

رووداو- دیجیتاڵ

دەستەی پزیشکانی ددان لە بەریتانیا رایدەگەیێنن دواخستنی سەردانکردنی خەڵکی بۆ پزیشکانی ددان لە داهاتوودا تووشی گرفتی دیکەی دەم و ددانیان دەکات.

دەستەی پزیشکانی ددان لە بەریتانیا (BDA) بڵاویکردووەتەوە لەم دۆخەی بڵاوبوونەوەی پەتای کۆرۆنا بەشێکی زۆر کەمی خەڵکی سەردانی پزیشکانی ددان دەکەن.

د. لەین هۆی، پزیشکی ددان و ئەندامی دەستەی پزیشکانی ددان لە بەریتانیا دەڵێت، سەرداننەکردنی خەڵکی بۆ لای پزیشکانی ددان و دواخستنی چارەسەری گرفتەکەیان دەبێتەهۆی ئەوەی لە داهاتوو تووشی لێکەوت و گرفتی زۆر گەورەتر و جددی تر ببنەوە.

پزیشکە بەریتانییەکەی ددان روونیدەکاتەوە، نەک تەنیا ئەوانەی گرفتیان هەیە بەڵکو ئەوانەشی کە وەک پێشگیریکردن لە گرفتەکانی دەم و ددان پێویست هەر شەش مانگ جارێک سەردانی پزیشک بکەن ئەویش کەمبووتەوە.

بەگوێرەی ئامارەکانی BDA لە ماوەی شەش مانگی بڵاوبوونەوەی کۆرۆنا سەردانکردنی خەڵکی بۆ نۆڕینگەکانی پزیشکانی ددان لە بەریتانیا بەنزیکەی ٪70 کەمیکردووە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger