هەڵەیەک روویدا! دووبارە هەوڵبدە
د. شەیدا تاڵەبانی - د. هونەر رێبوار
رووداو - تەندروستی
پۆدکاستی ئەمجارەی کلینیکاست باسی باڵغبوونی پێشوەختەیە و پزیشکە میوانەکە دەڵێت: قەڵەوی و خواردنی خۆراکی ناتەندروستی منداڵ دەبنە هۆی باڵغبوونی پێشوەختەی و ئەمەش کێشەی جەستەیی و دەروونیی بۆ دروستدەکات.
د. شەیدا تاڵەبانی، پسپۆڕی پزیشکیی خێزانی لەنێو پۆدکاستەکەدا رایگەیاند، باڵغبوونی پێشوەختە دەکرێت کێشەی جەستەیی و دەروونی بە منداڵ بدات و هەندێکجار وا لە منداڵ دەکات بەو تەمەن بچووکەوە رەفتاری گەورەکان بکات و ئەمەش لە کۆمەڵگەدا دادەبڕێت و تووشی گوشاری دەکات.
باڵغبوون لە کچان لە تەمەنی 8 بۆ 13 ساڵییەوە دەستپێدەکات و بۆ کوڕانیش لە 9 بۆ 14 ساڵی دەستپێدەکات. پسپۆڕێکی پزیشکیی خێزانی باسی باڵغبوونی پێشوەختەی منداڵ دەکات و دەڵێت: هەر نیشانەیەکی باڵغبوون لە جەستەی کچ و کوڕاندا پێش ئەو ماوەیە رووبدات، ئەوا باڵغبوونی پێشوەختەیە.
ئەوەش باس دەکات کە یەکەم نیشانەی باڵغبوونی کچان، دروستبوونی موو و گەورەبوونی مەمکەکانە کە بە ئازاری مەمک دەستپێدەکات، ئەگەریش لە تەمەنی 8 بۆ 13 ساڵییەوە بوو، ئاساییە، بەڵام پێش ئەو ماوەیە بوو، ئەوا دەبێت ئەو کچە ببرێتە لای پزیشکی پسپۆڕ. لە کوڕانیش گەورەبوونی ئەندامی زاوزێیە و دەرچوونی مووە لە شوێنە هەستیارەکانی، کە ئەگەر پێش ماوەی باڵغبوون دەربکەون، ئەوا نەخۆشییە.
د. شەیدا تاڵەبانی، پسپۆڕی پزیشکیی خێزانی هۆکارەکانی پێشوەختەباڵغبوون باس دەکات وەکو؛
- بۆماوەیی.
- خواردنی خۆراکی ناتەندروست (خۆراکە خێرا و ئامادەکراوەکان).
- قەڵەوی.
- بەکارهێنانی مادەی کیمیایی لەنێو (بۆن، پاککەرەوەکان و بەرهەمەکانی جوانکاری).
- وروژاندنی مێشکی منداڵ بە تەکنەلۆژیا و تێکەڵاوبوونیان لەگەڵ جیهانی دەرەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ