هەڵەیەک روویدا! دووبارە هەوڵبدە
رووداو - تەندروستی
پسپۆڕێکی دێرینی دادپزیشکیی لە هەولێر ئاشکرای دەکات، تائێستا تەکنیکێکی پێشکەوتوویان بۆ ناسینەوەی تەرمی نەناسراو نییە و ناچارن نموونەکان بنێرنە بەغدا.
ئەمڕۆ پێنجشەممە 16-10-2025 د. فەیسەڵ بلباس، پسپۆڕی پزیشکیی داد لە هەولێر بە رووداوی راگەیاند، لە بەغدا سەنتەری DNA دانراوە و زۆر فراوان و باوەڕپێکراوە، بەتایبەت ئەو پشکنینەی کە لەلایەن دادپزیشکییەوە دەکرێن.
د. فەیسەڵ بلباس دەڵێت: ئەو جۆرە پشکنینە پێویستە لە هەرێمی کوردستان هەبێت و یاسای تایبەتی بۆ دەربچێت تاوەکو لەلایەن پسپۆڕانی دادپزیشکییەوە بکرێت و نموونەکان نەنێردێنەوە بەغدا، چونکە ئەوە کاتێکی زۆری پێدەچێت بۆ دەرچوونی ئەنجامەکان.
هەر ئەمڕۆ پڕۆفیسۆر د. هاژە جەمال، پسپۆڕی جێنەتیک و بۆماوەزانی بە رووداوی گوت، ''ئەو پشکنینە پێویستە لەژێر چاودێریی حکومەتدا بێت و ئەگەریش بهێندرێتە هەرێمی کوردستان، ئەوا پشکنینێکی ئاسانە، بەڵام تیچووی زۆرە''.
پڕۆفیسۆر د. هاژە جەمال گوتیشی، لە ناوەندە ئەهلییەکان زۆر بە دەگمەنی دەکرێت و سەنتەرە ئەهلییەکانی جێنەتیکیش ناتوانن ئەو کاری جیاکردنەوە و ناسینەوەی DNAـیە بکەن، چونکە دەبێت لەلایەن حکومەتەوە پشتگیری بکرێت.
د. فەیسەڵ بلباس لەبارەی ئەو پشکنینەی کە لە پزیشکیی داد نییە ئەمەی لە پۆدکاستی کلینیکاست وروژاند؛
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ