هەڵەیەک روویدا! دووبارە هەوڵبدە
بەشێک لە پزیشکان کە گردبوونەتەوە لەنێو نەخۆشخانەی ئازادی. وێنە: رووداو
رووداو - تەندروستی
نوێنەرێکی پزیشکانی خولاو لە دهۆک رایدەگەیێنێت، بەهۆی دانەمەزراندنی پزیشکانی گشتیی دەرچووی ساڵی رابردووەوە، بەرزکردنەوەی ناونیشانی پزیشکییان دواکەوتووە و نەکراون بە پزیشکی پلەبەند.
ئەمڕۆ شەممە 17-5-2025 لە نەخۆشخانەی ئازادی لە دهۆک 102 پزیشکی گشتیی دانەمەزراو و 98 پزیشکی خولاو گردبوونەوە و دەیانەوێت دابمەزرێن و پزیشکە خولاوەکانیش داوای بەرزکردنەوەی ناونیشانی پزیشکییان دەکەن.
دکتۆر رێمان فرسەت، نوێنەرێکی پزیشکانی نیشتەجێی خولاو لە دهۆک بە رووداوی راگەیاند، شەش مانگە هەر وەکو پزیشکی خولاو ماونەتەوە و ناونیشانیان بەرز نەکراوەتەوە بۆ پلەبەند، هەروەها دەڵێت: ''شەش مانگە بەردەوامین لە دەوام، بەڵام پێشنەکەوتووین''.
ئەوان بەیاننامەیەکیان خوێندەوە کە تیایدا ئاماژە بەوە دەکات، ''لە دواین چاوپێکەوتنی نوێنەرەکەمان و وەزیری تەندروستی، داهاتوومان بە نادیاری ماوەتەوە و بێئومێد بووین لە داهاتوومان''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ