هەڵەیەک روویدا! دووبارە هەوڵبدە
تەندروستی
د. شڤان لەگەڵ هاوکارێکی دارەکەیان بەدەستەوەیە دوای دەرهێنانی. درێژیی دارەکە کە 11 سانتیمەترە.
رووداو - تەندروستی
لە نەخۆشخانەی گوڵان لە ئاکرێ نەشتەرگەریی دەرهێنانی پارچەدارێکی 11 سانتیمەتری کرا کە 15 رۆژ لە جەستەی کەسەکە ماوەتەوە. پسپۆڕەکەی دەڵێت، ئازارێکی زۆری هەبووە و لە پشکنینەکان دەرکەوتووە، جەستەی پارچە دارێکی تێدایە.
ئەمڕۆ دووشەممە 18-8-2025 د. شڤان سەعید زێباری، پسپۆڕی نەشتەرگەریی گشتی لە نەخۆشخانەی گوڵان لە ئاکرێ بە رووداو راگەیاند، ئەو نەخۆشە خەڵکی بەردەڕەش بووە، پێش 15 رۆژ دارێکی بڕیوە، بەڵام کەوتووە و لقێک لە دارەکە چەقیوە بە سینگیدا. هەروەها دەڵێت: ئەو کەسە نەچووە بۆ نەخۆشخانە و لە نۆرینەگەیەک شوێنی برینەکەیان بۆ دووریوەتەوە.
د. شڤان روونی کردەوە، دوای 15 رۆژ ئەو نەخۆشە هەوکردن و ئازارێکی زۆری بۆ دروست بووبوو، هاتووەتە ئاکرێ و لە نەخۆشخانەی گوڵان دەستنیشانیان کردووە کە دوای کەوتنەکە پارچە دارێک لەنێو جەستەی چەقیوە و دەرنەهێندراوە.
د. شڤان زێباری هۆشداری دەداتە هاونیشتمانییان، لەکاتی کەوتن یاخود دۆخێکی مەترسیدار پێویستە سەردانی نەخۆشخانە و بەشەکانی فریاکەوتن بکەن و ئازاری بەردەوام پشتگوێ نەخەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ