هەڵەیەک روویدا! دووبارە هەوڵبدە
رووداو - تەندروستی
لە نەخۆشخانەی لەدایکبوون و منداڵانی سۆران خانمێک زێی دادەخزێت و لە قۆناخێکی مەترسیداری نەخۆشییەکەیدا دێتە نەخۆشخانە. پزیشکەکەی دەڵێت ''حاڵەتەکە زۆر کەمە و زۆرجاریش مەترسی دروست دەکات''.
ئەمڕۆ سێشەممە 19-8-2025 د. بەفرین مەلا محەممەد، پسپۆڕی نەخۆشییەکانی خانمان و منداڵبوون لە نەخۆشخانەکە و سەرپەرشتیاری ئەو خانمە بە رووداوی راگەیاند، خانمەکە تەمەنی 68 ساڵ بوو و ئازارێکی زۆری سک و کۆئەندامی زاوزێی هەبوو، دوای پشکنین دەرکەوت، نەخۆشییەکەی لە قۆناخی چوار واتا قۆناخی کۆتاییدایە و پێویست بوو دەستبەجێ نەشتەرگەری بۆ بکەین.
د. بەفرین مەلا محەممەد دەڵێت، خانمەکە دەرچوونی تەواوی زێی هەبوو کە دەشێت بەهۆی بەساڵداچوونەوە یاخود وەچەخستنەوەی زۆر تووشی خانمان ببێت.
نەشتەرگەرییەکەیان بۆ کردووە و لە ئەنجامدا منداڵدان و هێلکەدانی خانمەکە لابراون، لەگەڵیشیدا زێی تووند کراوەتەوە، ''ئێستاش تەندروستە''.
لە کۆتاییدا ئەو پسپۆڕە گوتی، ئەو خانمە شەرمی کردووە کە ئازارەکەی بڵێت، بۆیە ماوەیەکی درێژ هەیبووە و دۆخی گەیشتووە بەم ئاستە مەترسیدارە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ