هەڵەیەک روویدا! دووبارە هەوڵبدە
رووداو - تەندروستی
لێکۆڵینەوەیەکی فراوان کە لەسەر زانیارییەکانی 7 ملیۆن کەس کراوە، دەریدەخات؛ راهێنانەکانی کاردیۆ 40٪ ئەگەری مردنی پێشوەختە کەم دەکەنەوە.
لێکۆڵینەوەیەکی فراوان لە زانکۆی کوینزلاندی ئوسترالیا لەبارەی راهێنان و چالاکییە جەستەییەکان، بەراوردکاریی 85 توێژینەوەی تێدا کراوە و دەرکەوت، وەرزشەکانی کاردیۆ مەترسیی مردنی پێشوەختە کەم دەکەنەوە، ئەوەش بە کەمکردنەوەی ئەگەری تووشبوون بە نەخۆشییە درێژخایەنەکان و قەڵەوی.
گریگۆر میلکە، سەرپەرشتیاری توێژینەوەکە دەڵێت: چالاکیی جەستەیی رۆژانە رۆڵی گرنگی هەیە لە تەمەندرێژی و بە تەندروست مانەوە لە بەساڵاچووندا.
بەپێی فیدراسیۆنی نێودەوڵەتیی وەرزش، وەرزشی کاردیۆ مەترسیی تووشبوون بە 9 شێرپەنجە کەم دەکاتەوە و رۆژانە نیو کاژێر وەرزشەکانی کاردیۆ بکرێن وەکو؛ 'پایسکیلسواری، راکردن، مەلەکردن، پەتپەتێن، سەماکردن، شاخەوانی و چەندانی دیکە'.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ