هەڵەیەک روویدا! دووبارە هەوڵبدە
رووداو - تەندروستی
شیکارییەکی نوێ هۆکارێکی نوێی دڵەڕاوکێ لەنێو نەوجەوان و گەنجاندا ئاشکرا دەکات، خواردنەوە گازی و وزەبەخشەکانن.
شیکارییەکە لە زانکۆی بۆرنمۆس لە ئینگلاند کرا و چەندین توێژینەوەی جیهانی خەمڵاند و دەرکەوت، خواردنەوە شیرینەکان و بەتایبەتیش گازییەکان ئەگەری دڵەڕاوکێ و خەمباری لە گەنجاندا زیاد دەکەن، تەنانەت زۆرینەی کەسە خەمبارەکانیش پەنا بۆ ئەو خواردنەوانە دەبەن.
د. کڵۆی کاسی، پسپۆڕی خۆراک و سەرپەرشتیاری توێژینەوەکە دەڵێت: ئێستا هۆکارەکانی خەمباری و دڵەڕاوکێ بۆ شێوازی نادروستی ژیان دەگەڕێتەوە بەتایبەت خەو، خۆراک و دەروون.
د. کڵۆی گوتی، ''رێژەی دڵەڕاوکێ لەنێو نەوجەواناندا زیادبووە و دەشتواندرێت بە شێوازی ژیانی تەندروست کۆنتڕۆڵ بکرێت''.
بە پێی WHO ئامانەی خوارەوە شێوازی ژیانی تەندروستن؛
- بایەخدان بە خواردنی سەوزە و میوەکان.
- بایەخدان بە خواردنی خۆراکی دانەوێڵەی تەواو و بەرهەمە کەم چەورەکان.
- بڕی پێویست ئاو بخورێتەوە
- بایەخدان بە پڕۆتینەکان لە ماسی، گۆشتی سوور، گۆشتی مریشک، هێلکە، تۆوی کەتان و گەنمەشامی.
- بڕێکی دیاریکراو کالۆریی رۆژانە بخورێت.
- سنووردارکردنی شەکر، چەوری و خۆراکە خێراکان.
- کەمکردنەوە و دوورکەوتنەوە لە کحول، خواردنەوە وزەبەخشەکان و خواردنەوە گازییەکان.
- خەوی باش
- دوورکەوتنەوە لە کێشانی جگەرە و نێرگەلە
- بیرکردنەوەی ئەرێنییانە و راهێنانەکانی ئاسوودەیی دەروون
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ