شوێنێکی فرۆشتنی بەهارات کە دەرمانە گیاییەکانیشی تێدایە. وێنە تەنیا بۆ روونکردنەوە دانراوە
رووداو - تەندروستی
لە دهۆک لیژنەکانی قایمقامیەت چاودێریی تووند دەخەنە سەر شوێنی فرۆشتنی دەرمانە گیاییەکان و ئەندامێکی لیژنەکە دەڵێت، دەرمانە گیاییەکان بە نازانستی تێکەڵ دەکرێن.
ئەمڕۆ پێنجشەممە 24-4-2025 دکتۆر کاوە رەشید، ئەندامی لیژنەی باڵای قایمقامیەتی دهۆک بە رووداوی گوت، دەشێت دەرمانە گیاییەکان ببنەهۆی سستبوونی گورچیلەکان و چەندان لێکەوتی مەترسیداری دیکەی تەندروستی.
هەر بۆیە دکتۆر کاوە رەشید دەڵێت: لیژنەمان پێکهێناوە بۆ چاودێریکردنی دووکانی گیادەرمانییەکان و بەشێکی دەرمانە گیاییەکان دەکرێن بە حەب و دەدرێن بە خەڵک.
ئازاری جومگە و ئەژنۆ کێشەیەکی باوی نێو خەڵکە بەتایبەت کەسانی بەساڵاچوو، نەخۆشنامەی ئەم هەفتەیەش باسی نەخۆشێک دەکات کە ئازاری جومگەی هەبووە و دوای بەکارهێنانی کۆمەڵێک حەب و دەرمان، ژانەکەی زیاتر و خراپتر دەبێت! دواتر دەردەکەوێت خانمەکە بە هەڵە دەرمانەکانی بەکارهێناوە و تووشی کێشەیەکی جیدی دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ