هەڵەیەک روویدا! دووبارە هەوڵبدە
تەندروستی
منداڵێک دوای دایکبوونی خراوەتە نێو ژووری شووشەییەوە، چونکە بەناکامی لەدایک بووە. وێنە: Upsala University
رووداو - تەندروستی
توێژینەوەیەک لە سوێد دەریدەخات، دووگیانبوونی تەمەنە گەورەکان ئەگەری تووشبوون بە لێکەوت و پاشهاتە مەترسیدارەکانی دووگیانی و لەدایکبوون زیاد دەکات.
توێژینەوەکە لە زانکۆی ئۆپسالا لە سوێد کرا و زانیارییەکانی 300 هەزار منداڵبوون و دایکی دووگیان تاوتوێکران؛ دەرکەوت، ئەو خانمانەی دوای تەمەنی 40 ساڵی دووگیان دەبن، ئەگەری تووشبوونیان بە شەکرە و بەرزەپەستانی خوێن لەماوەی دووگیانییەکەیاندا زۆرە.
ئەوەش دەرکەوت، زۆرینەی ئەو منداڵانەی دایکیان سەروو 40 ساڵان بووە، بە ناکامی لەدایکبوون و دووچاری ناڕێکییەکانی لەدایکبوون بوونەتەوە.
د. سۆفیا ڤۆس، سەرپەرشتیاری توێژینەوەکە دەڵێت: دووگیانبوون لەدوای تەمەنی 45 ساڵیدا 95٪ ئەگەری تووشبوون بە لێکەوتە مەترسیدارەکان بۆ دایک و کۆرپەلەکەشی زیاد دەبێت بەتایبەت لەبارچوون و منداڵبوون بە ناکامی.
دەشێت بەهۆی بەکارنەهێنانی رێگەکانی رێگری لە دووگیانبوون، هاوژینانی سەروو 40 ساڵان منداڵ دروست بکەن و ژیانی خانمەکە و کۆرپەلەکەشی بکەوێتە مەترسییەوە؛ لێرەوە باشترین رێگەکانی رێگری لە دووگیانبوون بزانە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ