هەڵەیەک روویدا! دووبارە هەوڵبدە
رووداو - تەندروستی
توێژینەوەیەکی نوێ لە دانیمارک دەریدەخات، خەمێکی قووڵ و درێژخایەن دوای لەدەستانی کەسێکی ئازیز دەشێت ببێتە هۆی گیانلەدەستدان، ئەمەش هۆکاری سەرەکیی دڵشکانە.
توێژینەوەکە لە زانکۆی ئاریوس لە دانیمارک لەسەر هەزار و 735 کەس کرا و دەرکەوت، لەماوەی 10 ساڵدا ئەوانەی کەسێکی نزیکیان لەدەستداوە، زیاتر خەم و پەژارەیان لەسەر ماوە و هەر ئەوەش بووەتە هۆی ئەوەی 88٪ ئەگەری مردنی پێشوەختەیان زیاتر بێت بەراورد بەوانەی زوو خەم و پەژارەکەیان رۆنیوەتەوە.
د. مێتی کێرگاردن، سەرپەرشتیاری توێژینەوەکە دەڵێت: کاریگەرییە درێژخایەنەکانی خەمخواردن و پەژارەیی لەسەر لوولەکانی خوێن تا دەگاتە تێکچوونی دەروونی و خۆکوشتن دەردەکەون بەتایبەت لەوانەی ئەگەری تووشبوون بە خەمۆکی هەیە.
ئەو تێکچوونی لوولانەی خوێنیش دەگەڕێننەوە بۆ دڵشکان کە بەهۆی خەمخواردنی زۆرەوە تووشی تاک دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ