هەڵەیەک روویدا! دووبارە هەوڵبدە
رووداو - تەندروستی
توێژینەوەیەکی شیکاریی نوێ لە بەریتانیا دەریدەخات، ئەوانەی کەسایەتیی هەستیاریان هەیە ئەگەری تووشبوونیان بە خەمۆکی و دڵەڕاوکێ زیاترە بەراورد بەوانەی کەسایەتییەکی هاوسەنگیان هەیە.
توێژینەوەیەکی گەورەی شیکاری (مێتا) لەلایەن توێژەرانی زانکۆی ماری کوین لە بەریتانیا کرا و هەڵسەنگاندن بۆ 33 توێژینەوە کراوە و دەرکەوت، ئەو کەسانەی هەستیارن بە ژینگەی دەوروبەر، رووناکیی زۆر و گۆڕانکارییە ژینگەییەکان 33٪ ئەگەری تووشبوونیان بە دڵەڕاوکێ و خەمۆکی زیاد دەبێت.
تۆم فاڵکنشتاین، پسپۆڕی دەروونی و سەرپەرشتیاری توێژینەوەکە دەڵێت، ئەو کەسانەی هەستیارن واتا زوو بە گۆڕانکارییەکانی دەوروبەریان کاریان تێدەکرێت و دەچنە ژێر باری ئەو گۆڕانکارییانەوە، بۆیە زیاتر تووشی دڵەڕاوکێ و گوشاری دەروونی دەبن و لەناکاو گۆشەگیرییان بەسەردادێت.
پسپۆڕان پێشنیاز دەکەن، ئەوانەی بە ژینگە و کەسانی دەوروبەر هەستیار و زوو کاریان تێدەکرێت دەشێت راوێژی تایبەت لەلای کەسێکی شارەزا و پسپۆڕ وەربگرن. تاوەکو لە لێکەوتەکانی ئەو هەستیارییە بپارێزرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ