هەڵەیەک روویدا! دووبارە هەوڵبدە
تیمێکی ئەنتیتۆباکۆ پشکنین بۆ بەشداربوویەکی پڕۆژەکە دەکات.
رووداو - تەندروستی
سەرپەرشتیاری زانستی ئەنتیتۆباکۆ لەنێو نەخۆشخانەی پار کە ئەمساڵ کلینیکی ئەنتیتۆباکۆ لەوێ بوو، رایدەگەیێنێت: ''بە شێوەیەکی گشتی زۆرینەی بەشداربووان تەمەنی سییەکانیان 10 ساڵ لە تەمەنی خۆیان زیاتر بووە''.
د. رێباز هەمزە، پسپۆڕی وردی نەخۆشییەکانی کۆئەندامی هەناسە و سەرپەرشتیاری زانستیی پڕۆژەی ئەنتیتۆباکۆ دەڵێت: ئەو بەشداربووانەی پێویست بوایە، پشکنینی خوێن و پشکنینی تیشکیان بۆ کردوون، زۆرجاریش بەشداربووان تووشی شۆک دەبوون کە دەیانزانی تەمەنی سییەکانیان زۆر لە تەمەنی خۆیان گەورەترە.
بە درێژایی ماوەی کلینیکەکە لە نەخۆشخانەی تایبەتی 'پار'ـە، پزیشکی پسپۆڕی سنگ و هەناسە، پزیشکی گشتی و تیمی پەرستاریی راهێندراو هەبوون، هەروەها ئامێرە پزیشکییە پێویستەکان بۆ پشکنین و چارەسەری بەشداربووان دابینکرابوون.
لەکۆی نزیکەی 15 هەزار کەس لە رێوڕەسمەکەدا 100 کەس لەو کەسانەی وازیان لە جگەرە، نێرگەلە و ڤەیپ هێناوە بەشداردەبن، بەشداربووەکان هەموو تێستیان بۆ کراوە و پاکبوونەتەوە لە نیکۆتین، هەموو ئەو کەسانە ئامادەی ڕێوڕەسمەکەن کە تێیدا کەسێك بە تیروپشک دەبێتە براوەی یەکەم و ئۆتۆمبێلێكی سفر کیلۆمەتری شێری.
تیروپشکی براوەی ئۆتۆمبێل کە بۆ 100 کەس دەکرێت و کەسێك ئۆتۆمبێلەکەی بۆ دەردەچێت بەشێوەی راستەوخۆ لە بەردەم ئامادەبووان دەکرێت، ناوی هەموو بەشداربووەکان کە وازیان هێناوە دەخرێتە نێو بۆکسێكی شووشە، کەسێك براوەکە هەڵدەبژێرێت و ناوەکە دەردەهێنێت، براوەکە دەبێتە خاوەنی ئۆتۆمبێل.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ