هەڵەیەک روویدا! دووبارە هەوڵبدە
د. چیمەن ساڵح لەگەڵ دکتۆر لونا خالید.
رووداو - تەندروستی
پسپۆڕێکی کلینیکیی خۆراکی باسی چەند جۆرێکی رۆن ''زەیت'' دەکات و رایدەگەیێنێت: هیچ رۆنێک نابێت بقرچێنرێت و هەر رۆنێکیش دووکەڵی لێبەرز بووەوە، نابێت بخورێت.
ئەمڕۆ یەکشەممە 27-7-2025 د. چیمەن ساڵح، پسپۆڕی کلینیکیی خۆراکی لە بووڵتەنی تەندروستیدا باسی رۆنی دووگی کرد و گوتی، دووگ 45٪ـی چەوریی ناتێری تێدایە کە هاوشێوەی زەیتی زەیتوونە و ئەگەر بە تەنیا بکوڵێندرێت و بخورێت سوودی هەیە، بەڵام ئەگەر دووگ بسووتێندرێت ئەوا زیانی دەبێت.
د. چیمەن ساڵح دەڵێت، ''جەستە هەموو جۆرە رۆنێکی پێویستە، بەڵام جۆرێکی زەیت هەیە کە فیلتەر کراوە و پاکدەکرێتەوە، پاشان دووبارە بەرهەمدەهێندرێتەوە و دەفرۆشرێت. چۆنیەتیی ناسینەوەشی ئەستەمە و پێویستە کواڵیتیی کۆنتڕۆڵی خۆراکدا تێپەڕ ببێت''.
ئەو گوتی، ''رۆنە تووندەکان بە هەموو شێوەیەک خراپن، واتا ئەو رۆنانەی رووەکین و تووند کراونەتەوە کە لەسەریان نووسراوە هایدرۆجینەیتد''، هەر بۆیە بەکارهێنانی زەیت بە باشتر دادەنێت، بەڵام هەڵنەگیرێت و نەقرچێندرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ