رووداو - تەندروستی
ناوەندی خۆراک و دەرمان FDA لە ئەمریکا رایدەگەیێنێت، ئامێرێکی نوێ کە بەشێوەیەکی ئۆتۆماتیک ئەنسۆلین بۆ تووشبووانی جۆری دووەمی شەکرە دابیندەکات بەردەستدەخرێت.
ناوەندەکە ئاماژە بەوەدەکات، لەبری دەرزی و پشکنینی زووزووە بۆ ئاستی شەکر لە خوێن، ئەم ئامێرە بەشێوەیەکی ئۆتۆماتیکی چاودێری ئاستی شەکر دەکات و لەکاتی پێویست ئەنسۆلین دەنێرێتە نێو خوێن ئەمەش جیاوازە لە رێگەکانی دیکەی پێدانی ئەنسۆلین.
دکتۆر میشێل تارڤەر، بەڕێوەبەری سەنتەری ئامێر و تەندروستیی تیشکی لە FDA دەڵێت، ''ئەم ئامێرە نوێیانە دەتوانن تەندروستی و کوالێتیی ژیانی ئەو کەسانە باشتر بکەن کە رۆژانە لەگەڵ نەخۆشییە درێژخایێنەکان دەژین''.
بە گوێرەی ناوەندەکە، Omnipod 5 insulin ناوی ئامێرەکەیە، بەشێوی چەسپ بەسەر جەستە دەلکێندرێت و لە رێگەی دەرزیەکی بچووکی هاوشێوەی کانیولا کە دەڕواتە نێو جەستە پشکنینی ئاستی شەکر لە خوێن دەکات و ئەنسۆلین دابیندەکات.
بە پێی ناوەندی کۆنتڕۆڵ و پێشگیریکردن لە نەخۆشییەکان CDC لە ئەمریکا، زیاتر لە 38 ملیۆن تووشبووی شەکرە لە ئەمریکا هەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ