هەڵەیەک روویدا! دووبارە هەوڵبدە
رووداو - تەندروستی
پسپۆڕێکی وردی نەخۆشییەکانی کۆئەندامی هەناسەدان لە نەخۆشخانەی ئازادی لە دهۆک باسی ئێستای نەخۆشخانەکە دەکات و ئاشكرای دەکات، ''نەخۆش هەیە بەهۆی تووشبوونی بە ئەنفلەوەنزاوە، لە چاودێریی چڕ خەوێندراوە''.
ئەمڕۆ دووشەممە 27-10-2025 د. لوقمان ئەمین مزووری، پسپۆڕی وردی نەخۆشییەکانی کۆئەندامی هەناسەدان لە نەخۆشخانەی ئازادی لە دهۆک بە رووداوی راگەیاند، ئەوانەی بەهۆی تووشبوونیان بە ئەنفلەوەنزاوە زۆرترین زیانیان پێدەکەوێت، ئەوانەن کە گرووپی مەترسیدارن و ڤاکسینیان وەرنەگرتووە.
باسی ئەو گرووپە مەترسیدارانە دەکات کە ئەنفلەوەنزا بە تووندی دەگرن وەکو؛
- بەساڵاچووان
- منداڵانی خوار 5 ساڵ
- تووشبووانی هەوکردنی سییەکان
- تووشبووانی رەبۆ
- تووشبووانی سستبوونی گورچیلەکان
- تووشبووانی نەخۆشییەکانی دڵ و لوولەکانی خوێن
هەر بۆیە پێشنیاز دەکات، هەموو ئەو گرووپە مەترسیدارانە ڤاکسینی دژەئەنفلەوەنزا وەربگرن تاوەکو تووشی پەتاکە نەبن یاخود نیشانەکان بە سووکی بگرن. (چونکە ئێستا باشترین کاتە بۆ کوتان بە ڤاکسینەکە).
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ