کوێستان ئیبراهیم، بەرپرسی بەشی کوتان لە بنکەی تەندروستیی کێوەڕەش
رووداو - تەندروستی
لە بنکەی تەندروستیی کێوەڕەش لە قەزای ڕانیە، کوتان بۆ منداڵان دەکرێت و بەرپرسێکی تەندروستیش رایدەگەیەنێت دایکان و باوکان پابەندی رێنوێنییەکانن.
کوێستان ئیبراهیم، بەرپرسی بەشی کوتان لە بنکەی تەندروستیی کێوەڕەش لە ڕانیە بە تۆڕی میدیایی رووداوی رایگەیاند، "دایکان و باوکان پابەندی رێنوێنییەکانی کوتانی منداڵان دەبن و بەگوێرەی خشتەی کوتان، کوتان بۆ منداڵان دەکەین."
بەرپرسی بەشی کوتان لە بنکەی کێوەڕەش هۆشداری دەدات لە دواخستنی کوتان و دەڵێت، "دایکان و باوکان دەبێت لەکاتی خۆیدا کوتانی منداڵەکەیان بکەن، چونکە دواخستنی کێشە دروستدەکات و کاریگەریی لاوەکیی زۆر دەبێت."
کوێستان ئیبراهیم ئاماژەی بەوەشکرد نزیکەی ساڵێکە هیچ حاڵەتێکی ئیفلیجی منداڵانیان تۆمار نەکردووە، هاوکات جەختیشی کردەوە کە نابێت کوتانی سوورێژە ساڵێکی بەسەردا تێپەڕبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ