هەڵەیەک روویدا! دووبارە هەوڵبدە
رووداو - تەندروستی
لە چین تاقیکردنەوەی چارەسەری دووبارە دروستبوونەوەی دەمارە خانەکان دوای بەرکەوتن بە زەبری دڕکەپەتک لەسەر مرۆڤ دەستپێدەکات و پسپۆڕان بە ئومێدەوە دەڕواننە چارەسەرەکە بۆ کەسانی ئیفلیج.
چارەسەرەکە پێی دەگوترێت XS228 و بە بودجەی کۆمپانیای XellSmart ئەنجام دەدرێت و رەزامەندیی پێدراوە کە دەست بە تاقیکردنەوە کلینیکییەکان بکات.
توێژەرانی زانکۆی سون یات سێن لە چین ئەم تاقیکردنەوەیە دەکەن بۆ چاندنی خانە بنەڕەتییەکانی دڕکەپەتک لەوانەی دڕکەپەتکیان برینداربووە و ئیفلیجبوون، ئێستا لەسەر 60 نەخۆش تاقیدەکەنەوە و ماوەی شەش مانگ دەخایەنێت.
تاقیکردنەوەکە لەم قۆناخەدا چۆنە؟
بەپێی توێژەران، خانە بنەڕەتییەکانی کەسانی ساخ لە تاقیگە دەچێندرێنەوە و گەشەیان پێدەدرێت تاوەکو دووبارە دەبنەوە دەمارەخانە، پاشان دەخرێنە نێو جەستەی کەسی تووشبوو، بەمەش دووبارە دەمارەکانی کەسەکە دەکەونەوە کار، چونکە خانەکانی دووبارە دەست بە فەرمان دەکەنەوە.
لەسەر ئاژەڵان ئەمە تاقیکراوەتەوە و دەرکەوتووە، خانەکان لەگەڵ دڕکەپەتکدا یەکیان گرتووە و دەمارەخانە نوێیەکان گەشەیان کردووە؛ بەمەش جووڵە بۆ ئاژەڵە ئیفلیجەکان گەڕاوەتەوە؛ هەر بۆیە ئێستا لەسەر 60 کەس تاقیدەکرێتەوە.
ئامارەکان
برینداربوونی دڕکەپەتک باوە و لە جیهاندا 15 ملیۆن کەس بەو کێشەیەوە دەناڵێنن، ساڵانە 100 هەزار کەس لە چین و 18 هەزار کەسیش لە ئەمریکا بەهۆی بەرکەوتنی زەبر یاخود رووداوێک دڕکەپەتکیان بریندار دەبێت و ئیفلیج دەبن.
کۆتایی
چارەسەرەکان تاوەکو ئێستا تەنیا سرووشتین و هەندێک چارەسەریی رۆبۆتیش بەکارهاتوون، بەڵام تاوەکو ئێستا ئومێد بەخش نەبوون بۆ کەسانی ئیفلیج و زانایان هەمیشە چاویان لەوەیە دووبارە خانەکانی دڕکەپەتک دروست بکەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ