هەڵەیەک روویدا! دووبارە هەوڵبدە
دکتۆر لونا لەگەڵ د. پشدەر عەبدوڵڵا گفتوگۆ دەکەن لەنێو ستۆدیۆی سلێمانی
رووداو - تەندروستی
پسپۆڕێکی نەخۆشییەکانی منداڵان رایدەگەیێنێت: دەنکۆڵە 'حەب'ـی شاف تەنیا لەو کاتەدا بەکاردرێت کە منداڵ رشانەوەکەی زۆر بێت و نەتواندرێت شرووبی پێبدرێت.
ئەمڕۆ یەکشەممە 31-8-2025 د. پشدەر عەبدوڵڵا، پسپۆڕی نەخۆشییەکانی منداڵان لە بووڵتەنی تەندروستیدا رایگەیاند، لەکاتی سکچووندا نابێت دایک و باوک بۆ منداڵەکانیان شاف بەکاربهێنن و پێویستە لەکاتی تووندی سکچوونەکە راوێژ بە پزیشکی پسپۆڕ بکەن.
د. پشدەر عەبدوڵڵا دەڵێت: لەکاتی سکچووندا جەستەی منداڵ وشک دەبێتەوە و جەستەی کۆمەڵێک کانزای سوودبەخش لەدەستدەدات، ئەمانەش دەشێت منداڵ تووشی گەشکە بکەن کە باوترین لێکەوتی سکچوون و رشانەوەیە.
ئەو پسپۆڕە هۆشداری دەداتە دایبابان کە ئەگەر منداڵی تووشبووی سکچوون و رشانەوە ئەم تایبەتمەندییانەی هەبوو، دەبێت ببرێتە لای پزیشک؛
- وشکبوونەوەی جەستە
- نەخۆشیی درێژخایەن
- خوارد یەک ساڵان
- سەری بەچاڵداچووبێت
- هیچ خۆراکێکی بۆ نەخورێت
- پیساییەکەی خوێنی تێدا بێت
ئەو پسپۆڕە ئەوەش باس دەکات کە مەرج نییە هەموو سکچوون و رشانەوەیەک مەترسیدار بێت و نابێت منداڵ دەرمانەکانی دژەبەکتریاکانیان پێبدرێ بەبێ ئەوەی بزاندرێت هۆکاری سکچوون و رشانەوەکە چییە.
کاتێک نەخۆش ئەم نیشانانەی هەبوو، پێویستە دەستبەجێ سەردانی نەخۆشخانە بکات؛
- هەستکردن بە تینویێتی و وشکبوونی دەم و لێو
- هەستکردن بە شەکەتی و داهێزران
- هەستکردن بە سەرسووڕان، بەتایبەت لەکاتی هەستانەوە
- تۆخبوونی رەنگی میز
چۆن لە ماڵەوە مامەڵە لەگەڵ سکچوون دەکرێت؟
1- خواردنەوەی شلەمەنی و ئاوی زۆر
2- نەخواردنی خواردنەوە گازییەکان، چا و قاوە
3- وەرگرتنی پشوو
4- خواردنەوەی گیراوەی ژیناو ORS لە دوای هەموو سکچوونێک پەرداخێکی لێبخورێتەوە
ئەگەر گیراوەکە بەردەست نەبوو دەتوانیت بەم شێوەیە خۆت دروستی بکەیت؛
- شەش کەوچکی چا شەکر
- نیو کەوچکی چا خوێ
- یەک لیتر ئاو
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ