رووداو دیجیتاڵ
پێشنیوەڕۆی ئەمڕۆ شەممە لە یەکێک لە کارگەکانی کۆمەڵگەی پیشەسازیی بۆکان، کرێکارێک بەهۆی کەوتنەخوارەوە لە کرێن گیانی لەدەستدا.
بەپێی هەواڵی میدیا خۆجێییەکانی بۆکان، کرێکارەکە ناوی موحسین کاکەڕەشیە و خەڵکی گوندی ئوشتەپەی بۆکانە و خێزاندار و باوکی دوو منداڵە.
سێشەممەی هەفتەی رابردووش کرێکارێکی 30 ساڵانی خەڵکی بۆکان لە رێگەی سەقز-بۆکان کەوتە ژێر ئامێرێکی دروستکردنی رێگە و گیانی لەدەستدا.
دامودەزگا حکومییەکانی ئێران ئاماری وردی قوربانیبوونی کرێکاران بەهۆی رووداوی کارەوە بڵاو ناکەنەوە و دوایین جار لە شەش مانگی یەکەمی ساڵی 2024 ئاماری فەرمی لەوبارەوە بڵاوکراوەتەوە. بەپێی راپۆرتی میدیا و دامەزراوە کرێکارییەکان، رۆژانە شەش بۆ حەوت کرێکار لەو وڵاتە بەهۆی رووداوی کارەوە گیان لەدەست دەدەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ