هەڵەیەک روویدا! دووبارە هەوڵبدە
رووداو دیجیتاڵ
لە رووداوێکی هاتووچۆدا لە رێگەی نێوان هەمەدان - سنە 14 کەس بریندار بوون.
ئەمڕۆ شەممە 2ی ئابی 2025 بابەک هودائی، بەڕێوەبەری بەشی فریاکەوتنی نەخۆشخانەکانی پارێزگای سنە لە رۆژهەڵاتی کوردستان رایگەیاند، "کاژێر 04:00ی بەرەبەیان لە رێگەی سەرەکیی نێوان هەمەدان – سنە رووداوێکی هاتووچۆ روویدا و لە ئەنجامدا 14 کەس بریندار بوون."
هودائی گوتی، ئەو 14 کەسە لەنێو پاسێکدا بوون "کە ئەندامی تیمێکی زۆرانبازی بوون."
بەڕێوەبەری بەشی فریاکەوتنی نەخۆشخانەکانی پارێزگای سنە ئاماژەی بەوەش کرد، "ئەو تیمە لە پاڵەوانێتییەک گەڕاونەتەوە و لەنزیک سەڵەوات ئاوا تووشی رووداوەکە بوون."
ساڵانە ژمارەیەکی زۆر هاونیشتمانی و هاووڵاتی لە رووداوەکانی هاتووچۆدا لە رۆژهەڵاتی کوردستان و ئێران گیان لەدەستدەدەن و بریندار دەبن.
بەگوێرەی دادپزیشکیی ئێران، لە 21-03-2024 تاوەکو 21-03-2025 لانیکەم 20 هەزار و 45 کەس لە رۆژهەڵاتی کوردستان و ئێران بە رووداوی هاتووچۆ گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ