هەڵەیەک روویدا! دووبارە هەوڵبدە
رووداو دیجیتاڵ
پارێزگاری هەولێر دەڵێ، لە شەش مانگی رابردوودا 702 تۆمەتبار لەلایەن پۆلیسی هەولێرەوە دەستگیرکراون. سەرچاوەیەکیش لە پۆلیسی هەولێر ئاماژە بەوە دەکات: "تۆمەتبارەکان بە چەندین جۆری تاوان تۆمەتبار بوون؛ بەشی زۆریان دزیکردن بووە."
رۆژی یەکشەممە، 03ـی ئابی 2025، ئومێد خۆشناو، پارێزگای هەولێر لە راگەیێندراوێکدا گوتی: "لە شەش مانگى رابردوودا لەسەر ئاستى هەرێمى کوردستان، لەلایەن بەڕێوەبەرایەتیى پۆلیسى هەولێرەوە زۆرترین داواکراو لە رێگەى سیستمى بەدواداچوون و دەستگیرکردنى تۆمەتباران، کە ژمارەیان ( 702تۆمەتبار)ە، دەستگیرکراون".
ئومێد خۆشناو دەستخۆشی لە پۆلیسی هەولێر دەکات و دەڵێ: "وێڕاى دەستخۆشی لە بەڕێوەبەر و ئەفسەر و پلەدارانى بەڕێوەبەرایەتیى پۆلیسى هەولێر بەگشتی لە بەرامبەر راپەڕاندنى ئەرک و کارەکانیان، جارێکى دیکە جەخت لەسەر گرنگی رۆڵی پۆلیس دەکەینەوە لە بەرقەرارکردنی یاسا و پاراستنی سەر و ماڵ و گیانی هاووڵاتیان، هەروەها رۆڵیان لە جێبەجێکردن و بەرقەراکردنى یاسا، بەرزنر دەنرخێنین و هیوای سەرکەوتنی زیاتریان بۆ دەخوازین".
سەرچاوەیەک لە پۆلیسی هەولێر دەڵێت: "ئەو تۆمەتبارانە بە تۆمەتی ئەنجامدانی چەندین جۆری تاوان دەستگیرکراون، لەوانە کوشتن، دزیکردن، مادەی هۆشبەر، فێڵکردن لە هاووڵاتییان و ساخکردنەوەی پارەی ساختە، بەڵام زۆرترینیان لەسەر دزیکردن بووە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ