رووداو دیجیتاڵ
سەرۆکی حکومەتی هەرێمی کوردستان لەگەڵ وەزیری وزە و ژێرخانی ئیمارات کۆبووەوە و تاوتوێی پڕۆژەی رووناکی و کارەبای 24 کاژێرییان کرد. وەزیرە ئیماراتییەکە ئامادەیی وڵاتەکەی بۆ هەموو هاوکارییەک لەم بوارەدا دەربڕی.
ئێوارەی رۆژی چوارشەممە (4-2-2026)، مەسرور بارزانی، سەرۆکی حکومەتی هەرێمی کوردستان لە پەراوێزی لووتکەی جیهانیی حکومەتەکان لە دووبەی، لەگەڵ سوهەیل مەزرووعی، وەزیری وزە و ژێرخانی ئیمارات کۆبووەوە.
بەگوێرەی راگەیێندراوی حکومەتی هەرێمی کوردستان، هەردوولا هاوڕابوون لەسەر بەهێزترکردنی پەیوەندیی دوولایەنە لە بوارەکانی ژێرخان و وزە، بەتایبەتی کەرتی کارەبا.
لە کۆبوونەوەکەدا بە گرنگییەوە ئاماژە بە "پڕۆژەی رووناکی و دابینکردنی کارەبای 24 کاژێری لە هەرێمی کوردستان کرا" و سوهەیل مەزرووعی ئامادەیی وڵاتەکەی بۆ هەموو هاوکارییەک بۆ سەرخستنی پڕۆژەکە دەربڕی.
دەقی راگەیێندراوی حکومەت:
ئێوارەی ئەمڕۆ چوارشەممە 2/4، مەسرور بارزانی، سەرۆکی حکومەتی هەرێمی کوردستان، لە چوارچێوەی دیدارەکانی لە لووتکەی جیهانیی حکومەتەکان لە دووبەی، لەگەڵ سوهەیل مەزروعی، وەزیری وزە و ژێرخانی ئیماراتی کۆبووەوە.
هەردوولا هاوڕا بوون لەسەر بەهێزترکردنی پەیوەندیی دوولایەنە لە بوارەکانی ژێرخان و وزە و بە تایبەتی کەرتی کارەبا، لەم رووەوە بە گرنگییەوە ئاماژە بە پڕۆژەی رووناکی و دابینکردنی کارەبای 24 کاتژمێری لە هەرێمی کوردستان کرا و وەزیری وزە و ژێرخانی ئیماراتی، ئامادەیی وڵاتەکەی بۆ هەموو هاوکارییەک دەربڕی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ