رووداو دیجیتاڵ
وەزارەتی دارایی هەرێمی کوردستان دەڵێت، "چاوەڕێ دەکرێت لەگەڵ دەستپێکردنەوەی دەوامی فەرمی لە رۆژی یەکشەممەی داهاتوو تەواوی تەمویلی مووچە بخرێتە سەر هەژماری بانکیمان".
ئەمڕۆ پێنجشەممە، وەزارەتی دارایی و ئابووریی هەرێمی کوردستان لە راگەیێندراوێکدا دەڵێت، "نیوەڕۆی رۆژی پێنجشەممە رێکەوتی (5ی ئازاری 2026) بڕی (274) ملیار و (962) ملیۆن دینار بە چوار گوژمە وەک بەشێک لە تەمویلی مووچەی مانگی شوباتی مووچەخۆرانی هەرێمی کوردستان کە بریتییە لە تەمویلی مووچەی مانگی شوباتی خانەنشینان و سودمەندانی چاودێریی کۆمەڵایەتی و فەرمانبەرانی گرێبەست و مینحەی زیندانیانی سیاسی، خرایە سەر هەژماری بانکی وەزارەتی دارایی و ئابوریی هەرێمی کوردستان لە لقی هەولێری بانکی ناوەندیی عێراق".
لە درێژەی راگەیێندراوەکەدا، وەزارەتی دارایی دەڵێت، رۆژی یەکشەممە لەگەڵ گەیشتنی تەواوی پارەکە و وەرگرتنی لە لقی هەولێری بانکی ناوەندیی عێراق، "راستەوخۆ خشتەی مووچەی مانگی شوبات رادەگەیێندرێت و دەست بە دابەشکردنی مووچە دەکرێت".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ