رووداو دیجیتاڵ
وەزارەتی دەرەوەی ئیمارات، سەرکۆنەی هێرشە مووشەکییەکانی ئێران دەکات بۆ سەر بارەگا سەربازییەکانی هەرێمی کوردستان و بە "تیرۆریستی و غەدر" ناویان دەبات.
وەزارەتی دەرەوەی ئیمارات رایگەیاند: "ئیمارات بە تووندی سەرکۆنەی ئەو هێرشە مووشەکییە تیرۆریستییە دەکات کە بارەگا سەربازییەکانی لە هەرێمی کوردستانی عێراقی برای کردە ئامانج و بووە هۆی شەهید و برینداربوونی دەیان کەس لە هێزەکانی پێشمەرگە."
ئیمارات ئاماژەی بەوە کردووە، ئەم دەستدرێژییانە "پەرەسەندنێکی مەترسیدارن" و پێشێلکردنێکی روونی بنەماکانی یاسای نێودەوڵەتین.
هەروەها هاوسۆزی و پشتگیریی تەواوی وڵاتەکەی بۆ عێراق و حکومەتی هەرێمی کوردستان دووپاتکردەوە، بۆ هەر هەنگاوێک کە ئاسایش و سەقامگیری و سەلامەتی هاووڵاتییانی بپارێزێت.
لە کۆتایی راگەیێندراوەکەدا، وەزارەتی دەرەوەی ئیمارات پرسە و سەرەخۆشی خۆی ئاراستەی کەسوکاری شەهیدان و حکومەتی عێراق و حکومەتی هەرێمی کوردستان کرد و هیوای چاکبوونەوەی خێرای بۆ بریندارەکانی ئەو هێرشە خواست کە بە "تاوانبارانە" وەسفی کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ