رووداو دیجیتاڵ
جێگری سەرۆکوەزیرانی هەرێمی کوردستان دۆخی سیاسی و ئابووری هەرێمی کوردستان بە "ناسەقامگیر" دادەنێت و دەڵێت، "ململانێی ناتەندروست و قۆڵبادانی حیزبی و شەخسی داهاتووی هەرێمەکەمانی خستووەتە مەترسییەوە"
رۆژی دووشەممە 05-06-2023، قوباد تاڵەبانی، جێگری سەرۆکوەزیرانی هەرێمی کوردستان لەگەڵ جێسیکا سڤاردسترۆم، باڵیۆزی سوێد لە عێراق کۆبووەوە و باسیان لە دۆخی سیاسیی هەرێمی کوردستان کرد.
لەبارەی کێشە نێوخۆییەکانی هەرێمی کوردستانەوە، قوباد تاڵەبانی دەڵێت، لە کۆبوونەوەکەدا "جەختمکردەوە کە تەنها بەیەک گوتاریی و یەکڕیزییەوە دەتوانین کێشەکانمان لەگەڵ بەغدا چارەسەر بکەین."
دەقی راگەیێندراوی کۆبوونەوەی جێگری سەرۆکوەزیرانی هەرێمی کوردستان لەگەڵ باڵیۆزی سوێد لە عێراق
ململانێی ناتەندروست و قۆڵبادانی حیزبی و شەخسی داهاتووی هەرێمەکەمانی خستووەتە مەترسییەوە، بەتایبەت کە لەدۆخێکی سیاسی و ئابووری ناسەقامگیرداین.
لەکۆبوونەوەم لەگەڵ بەڕێز جێسیکا سڤاردسترۆم باڵیۆزی سوید لە عێراق باسی کێشە ناوخۆییەکانی کوردستانمان کرد و جەختمکردەوە کە تەنها بەیەک گوتاریی و یەکڕیزییەوە دەتوانین کێشەکانمان لەگەڵ بەغدا چارەسەر بکەین.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ