لە بۆکان کەمپینی کۆکردنەوەی هاوکاری بۆ قوتابییانی خێزانە کەمداهاتەکان بەڕێوەدەچێت

07-09-2023
رووداو @Rudawkurdish
کۆکردنەوەی هاوکاری بۆ قوتابیانی کەمداهات لە بۆکان
کۆکردنەوەی هاوکاری بۆ قوتابیانی کەمداهات لە بۆکان
A+ A-
 
رووداو دیجیتاڵ

لە بۆکان پێداویستییەکانی قوتابخانە بۆ راکێشانی سەرنجی خەڵک بۆ لای ئەو قوتابییانەی بەهۆی کێشەی ئابووریی خێزانەکانیان واز لە خوێندن دەهێنن، هەڵواسراون، ئەوەش لە چوارچێوەی هەڵمەتێکدا بۆ هاوکاریکردنی قوتابییانی کەمدەرامەت. هەڵمەتەکە چالاکییەکی هاوبەشی بنکەی خێرخوازیی پەیوەندیی قوتابخانەکان و چالاکڤان و کەسایەتییەکانی بۆکانە.
 
خێرخواز و چالاکڤانانی بۆکان بە رێکخستنی کەمپینی 'هیواکانی داهاتوو،' هەڵمەتێکیان بۆ کۆکردنەوەی هاوکاری بۆ قوتابییانی خێزانە کەمداهاتەکانی ئەو شارە دەستپێکردووە.
 
رێکخەرانی هەڵمەتەکە دەیانەوێت پێش دەستپێکردنی ساڵی نوێی خوێندن، پێداویستییەکانی خوێندن و جلوبەرگی نوێ بۆ ئەو قوتابییانە بکڕن.
 
لە هەڵمەتی کۆکردنەوەی هاوکاری بۆ قوتابییانی خێزانە کەمداهاتەکانی بۆکاندا، کۆمەڵێک لە کەسایەتییە ناسراوەکانی شارەکە بەشدارن و دەیانەوێت لەو رێگەیەوە تەمی وازهێنان لە خوێندن لە شارەکەیان بڕەوێننەوە.
 
فەرمانگەی پەروەردەی بۆکان بە رێکخەرانی ئەو کەمپینەی راگەیاندووە، بەهۆی دەست تەنگیی خێزانەکانیان، ئەگەری وازهێنانی 2000 قوتابیی ئەو شارە لەئارادایە. بەپێی ئاماری ساڵی 2021، لە بۆکان 2700 منداڵ لە خوێندن جێماون. هۆکاری جێمانی بەشێکیان، هەژاریی خێزانەکانیانە.
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

شانەیەکی هەنگوین کە نزیکەی نیوەی هەنگوینی تێدایە. وێنە: رووداو

هەنگوین لە هەرێمی کوردستان کەمی کردووە و پێشبینی دەکرێت ئەم ساڵ نەگاتە 400 تۆن

نزیکەی 5000 پورەهەنگ لە کوێستانەکانی دۆڵ سیبەر لە حاجی ئۆمەران دانراون، بەڵام هەنگەوانان باس لەوە دەکەن، بەراورد بە ساڵانی رابردوو، ئەم ساڵ شانە هەنگوینەکان نیوەیان پڕ بوون لە هەنگوین