سلێمان ئۆسۆ: لەم مانگەدا شاندێکی هاوبەشی کورد دەچێتە دیمەشق

 

سلێمان ئۆسۆ، ئەندامی دەستەی سەرۆکایەتیی ئەنەکەسە، رۆژی شەممە 7-2-2026 بووە میوانی بووڵتەنی کاژێر 7ی تۆڕی میدیایی رووداو بوو و تیشکی خستە سەر وردەکاریی کۆبوونەوەکانیان لەگەڵ ئەحمەد شەرع، سەرۆکی سووریا و ئەسعەد شەیبانی، وەزیری دەرەوە. ئۆسۆ ئاماژەی بەوە کرد کە بەڵێنیان وەرگرتووە ئاوارەکانی سەرێ کانی بگەڕێنەوە سەر ماڵ و حاڵی خۆیان و جەختیشی کردەوە کە دەبێت کورد لە داهاتووی سیاسیی سووریادا هاوبەشێکی سەرەکی بێت.

 

 

 

سلێمان ئۆسۆ: ئێمە وەکو سەرکردایەتیی ئەنەکەسە بە فەرمی لەلایەن وەزیری دەرەوەی سووریا بەڕێز ئەسعەد شەیبانی بانگهێشت کراین. ئێمە ئەم بانگهێشتەمان جێبەجێکرد. کۆبوونەوەمان لەگەڵ وەزیری دەرەوە زۆر ئەرێنی بوو. بە گشتی باسی سووریامان کرد و لە بابەتی پرسی کوردیش خاڵی هاوبەش لە نێوانماندا هەبوون. جەختمان لەسەر ئەوە کردەوە کە پێویستە حکومەتی سووریا رەچاوی دۆخی کورد بکات کە لە رابردوودا تەنگ و چەڵەمەی زۆری بینیوە. کورد گەلێکی رەسەن و سەرەکیی سووریان. لە رابردوودا کورد بەشخوراو بووە و بە قۆناخی زۆر ناخۆشدا تێپەڕیوە. هەروەها باسی مەرسوومی 13مان کرد کە ئەحمەد شەرع دەریکردووە. بە فراوانی باسمان کرد و گوتمان هەنگاوێکی ئەرێنییە، بۆ چارەسەرکردنی پرسی کورد لە سووریا. بەتایبەتی کە گوتمان ئەمە بکرێتە بنکەیەک. هەروەها بە نیازی هەنگاوی دیکەن، خاڵێک ماوە جێگیر بکرێت. ئەوان گوتیان ئامادەن بۆ ئەوەی پێشوازی لە شاندێکی کوردی بکەن. تەنانەت بەڵێنیش درا رێکخستن بۆ ئەمە بکرێت.

 

 

سلێمان ئۆسۆ: نزیکە.

 

 

سلێمان ئۆسۆ: شاندی هاوبەشی کوردی.

 

سلێمان ئۆسۆ: بەڵێ.

 

 

سلێمان ئۆسۆ: لەگەڵ وەزیری دەرەوە و یاوەرانی کۆدەبێتەوە.

 

 

سلێمان ئۆسۆ: ئێمە گوتمان مەرسوم هەنگاوێکی ئەرێنییە. مەرسوومێک دەگۆڕدرێت و پێویستە لە دەستوور جێگیر بکرێت. ئەوانیش بەڵێیان بۆ ئەم گوتەیەی ئێمە کرد و گوتیان، ئەگەر سبەی لیژنەیەکی دەستووری پێکبهێندرێت، بە دڵنیاییەوە کوردیش بەشدار دەبن. ئێمە گوتمان دەستوور دوورە و لەوانەیە هەتا چوار ساڵی دیکە نەنووسرێتەوە. بێگومان دەستووری گشتیی سووریا دادەنرێت. ئێمە گوتمان هەر هەنگاوێک پێویست بێت، ئیمە ئامادەین، بۆ ئەوەی کێشەکان چارەسەربکەین، تەنانەت ئامادەین زۆر مەراسیمی دیکە بکەین.

 

سلێمان ئۆسۆ: بەڕاستی ئێمە نەچووبووین هەتا دانوستاندن بکەین. دیدارێک بوو و دوای دیدارەکەش ئەو بابەتانەمان خستنە بەر باس.

 

 

سلێمان ئۆسۆ: داهاتووی کورد روونە، ئێمە دەڵێین دەبێت دان پێدانانیکی دەستووری بۆ گەلی کورد هەبێت. ئەویش وەکو گەلیکی سەرەکی لە سووریا و مافە سیاسی و نەتەوەییەکانیشی دەستەبەر بکرێت. بابەت و وردەکارییەکانی دیکە دەکرێ لەلایەن لیژنە هاوبەشەکەوە گفتوگۆی لەسەر بکرێت. چونکە لە دیدارێکی کاژێری یان کاژێر و نیویدا، ئیمە ناتوانین هەموو شتێک باس بکەین. بەڵام ئەوەی بنەڕەتییە کە بتوانین جەختی لەسەر بکەینەوە ئەوەیە کە دیدارەکە لە کەشێکی ئەرێنیدا بەڕێوەچوو. بۆ نموونە کورد دەبێ هاوبەشی وڵاتەکە بێت و مافی پارێزراو بێت. هەروەها هەرێمەکەی خۆیان بەڕێوەببەن.

 

 

سلێمان ئۆسۆ: لە کۆنفرانسی 26ی نیسانی پار پێشنیازمان خستبووەڕوو. ئێمە دەڵێین شێوازی دەوڵەت؛ واتا بۆچوونی ئێمە وەکو کورد.

 

سلێمان ئۆسۆ: ئێمە ئەمڕۆ لە قۆناخێکداین کە قۆناخی دەستووری و هەبوونی گەلی کوردە. ئێمە داکۆکی لە هەڵوێستی خۆمان دەکەین. ئێمە لە خاڵی هاوبەش دەگەڕێین بۆ ئەوەی کێشەکان چارەسەر بکەین.

 

 

سلێمان ئۆسۆ: دوای ئەوەی گەڕاینەوە، دیدارمان دەبێت. شاندی هاوبەشیش دیدار دەکات؛ من و کاک مەزڵوومیش دیدار دەکەین. ئێمە پێمانوایە ئەو کۆبوونەوەیە ئەرێنی بوو. هەردوولا گویمان لە یەکدی گرت. بێگومان هیچ کێشەیەک لەڕێی هەنگاوی سەربازییەوە چارەسەر ناکرێت. خاڵێکی دیکەش کە گفتوگۆمان لەسەر کرد، سەرێ کانی بوو. ئێمە بەڵێنێکمان وەرگرت لەبارەی گەڕانەوەی پەنابەرانی سەرێکانی بۆ سەر ماڵ و حاڵی خۆیان. وەزیری دەرەوە بەڵێنی دا خەڵکی سەرێ کانی بگەرێنەوە سەر ماڵ و حاڵی خۆیان.

 

 

سلێمان ئۆسۆ: بێگومان ماف موڵکی هیچ لایەنێک نییە، نە ئەنەکەسە و نە پەیەدە. ئەمانە دەستکەوتی گەلی ئێمەن. بەڵێ ئیمە لە رێککەوتنی سەربازی قبووڵمان کرد، ئەوان پارێزگار دادەنێن، هەروەها جیگری وەزیری بەرگری بەدەستدەهینن. من پیموایە لە داهاتوودا هەر پۆستێک هەبێت دوولایەنە دابنرێت، چونکە ئەو پۆستانە نوێنەرایەتیی ویستی کورد دەکەن.

 

 

سلێمان ئۆسۆ: ئێمە وەکو ئەنەکەسە و وەکو پارتەکانی دیکەش ئێمە دەڵێین، پۆستەکان بە جۆرێک دابەش بکرێن کە گەلی ئێمە قایل بن لەسەری. بۆ نموونە ئەگەر پەیەدە وابزانێت کە ئێمە مافێکی وەهامان نییە، ئەمە قبووڵ ناکرێت و گەلی ئێمەش قبووڵی ناکات.

 

 

سلێمان ئۆسۆ: بە هیواین بیبینین، بەڵام تا ئێستا هیچ بەڵینێک نەدراوە.