وڵات تاهیر، ئەو ئاسایشەی لە فڕۆکەخانەی هەولێر شەهید بوو
رووداو - دیجیتاڵ
پارێزگاری هەولێر رایگەیاند، لە ئەنجامی هێرشەکانی شەوی رابردوو بۆ سەر فرۆکەخانەی نێودەوڵەتیی هەولێر کارمەندێکی ئاسایشی فرۆکەخانەکە شەهید بووە و سێ کەسیش بریندارن.
رۆژی یەکشەممە، ئومێد خۆشناو، پارێزگاری هەولێر بە (رووداو)ی راگەیاند، "بەداخەوە لە ئەنجامی هێرشەکانی شەوی رابردووی سەر فڕۆکەخانەی هەولێر کارمەندێکی ئاسایشی فڕۆکەخانە شەهید بووە و سێ کارمەندی دیکەش بریندارن."
ئومێد خۆشناو گوتی: "ئەو کارمەندەی ئاسایش کە شەهید بووە، ناوی وڵات تاهیرە."
شەوی رابردوو و بەرەبەیانیی ئەمڕۆ یەکشەممە چەندین هێرش کرانە سەر فڕۆکەخانەی نێودەوڵەتیی هەولێر، بەڵام هێرشەکان لەلایەن سیستەمی بەرگریییەوە تێکشکێندران.
پارێزگاری هەولێر ئاشکرای کرد، شەوی رابردوو بە 10 درۆن هێرشکراوەتە سەر شاری هەولێر.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ