رووداو دیجیتاڵ
لە رووداوێکی هاتووچۆدا لەسەر رێگەی شارەکانی دیواندەرە - سەقز لە پارێزگای سنە، سێ هاونیشتمانی گیانیان لەدەستدا و کەسێکی دیکەش بریندار بوو.
ئەمڕۆ یەکشەممە، 8ی شوباتی 2026 پەیام جەلالی، بەڕێوەبەری مانگی سووری پارێزگای سنە رایگەیاند، رووداوەکە دوانیوەرۆی ئەمڕۆ بە دووری 9 کیلۆمەتر لە شاری دیواندەرە و لەسەر رێگەی سەرەکیی دیواندەرە-سەقز بووە و دوو ئۆتۆمبێلی تایبەت و بارهەڵگرێک پێکیانداداوە.
جەلالی دەشڵیت، لە رووداوەکەدا سێ لە سەرنشینەکان دەستبەجێ گیانیان لەدەستداوە و کەسێکی دیکەش بریندار بووە و لە رێگەی تیمەکانی مانگی سوورەوە رەوانەی نەخۆشخانە کراوە.
بەڕێوەبەری مانگی سووری پارێزگای سنە باس لەوە دەکات، بەهۆی قورسی پێکدادانەکە، دوو لە سەرنشینەکان لەنێو ئۆتۆمبێلێکدا گیریان خواردبوو و تیمەکانی فریاکەوتن بە ئامێری تایبەت دەریان هێناونەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ