هەڵەیەک روویدا! دووبارە هەوڵبدە
رووداو دیجیتاڵ
پڕۆژەی گواستنەوەی ئاوی بەنداوی چەپەرئاوێی شنۆ بە مەبەستی بوژاندنەوەی دەریاچەی ورمێ دەستیپێکردووە.
دوێنی هەینی، 7-3-2025، بە ئامادەبوونی رەزا رەحمانی، پارێزگاری ورمێ پڕۆژەی گواستنەوەی ئاوی بەنداوی چەپەرئاوێی شنۆ بە مەبەستی بووژاندنەوەی دەریاچەی ورمێ دەستیپێکرد.
رەزا رەحمانی گوتی، جگە ئاوی بەنداوی چەپەرئاوێ، ئێستا ئاوی بەنداوی کانی سێو بە قەبارەیەکی گەورەتر دەرژێتە نێو دەریاچەی ورمێ.
پارێزگاری ورمێ رایگەیاند، هەوڵ دەدەن زۆربەی سەرچاوە ئاوییەکان بۆ بوژاندنەوەی دەریاچەکە بەکاربهێنرێن و جگە لەوەش گواستنەوەی ئاو لە وێستگەکانی پاڵاوتنی ئاو کە نزیکی دەریاچەکەن هەیە.
رۆژی 4-3-2025، بەڕێوەبەری گشتیی کۆمپانیای ئاوی پارێزگای ورمێ رایگەیاند، ئاستی ئاوی دەریاچەی ورمێ بەراورد بە هەمان کاتی ساڵی رابردوو، 6 سانتیمەتر زیادی کردووە.
دەریاچەی ورمێ دەکەوێتە پارێزگای ورمێی رۆژهەڵاتی کوردستان و لە ساڵی 2005ـەوە بچووکبوونی رووبەری دەستپێکردووە.
بەڕێوەبەرایەتیی پاراستنی ژینگەی ئێران رایگەیاندووە، ئێستا رووبەری دەریاچەکە بۆ کەمتر لە 800 کیلومەتری چوارگۆشە بچووکبووەتەوە، لەکاتێکدا لە ساڵی 1998ـدا رووبەرەکە نزیکەی شەش هەزار کیلۆمەتری چوارگۆشە بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ