کوردستان
وێنەکە ئۆتۆمبێلەکانی کۆمپانیای شکارن لە سلێمانی کە تایبەتن بە خاوێنکردنەوەی ناو شار، وێنە: رووداو
رووداو دیجیتاڵ
زیاتر لە هەفتەیەکە کۆمپانیای کۆکەرەوەی زبڵ و خاشاک لە دەربەندیخان مانیگرتووە و بەهۆیەوە زبڵ و خاشاکێکی زۆر لەنێو شارەکەدا کۆبووەتەوە.
عوسمان عەبدوڵڵا، سەرۆکی شارەوانیی دەربەندیخان بە تۆڕی میدیایی رووداوی راگەیاند، لە رۆژی 30ـی نیسانەوە کۆمپانیای کۆکەرەوە مانیگرتووە و زبڵ و خاشاکی شارەکە کۆناکاتەوە.
سەرۆکی شارەوانیی دەربەندیخان گوتیشی، شەش مانگە شایستە داراییەکانی کۆمپانیاکە خەرجنەکراوە و بەهۆیەوە کۆمپانیاکە کە کاری کۆکردنەوەی زبڵ و خاشاک لە چوار قەزا و هەشت شارەوانی سنووری دەربەندیخان و قەرەداخ دەکات، کارەکانی راگرتووە.
عوسمان عەبدوڵڵا، سەرۆکی شارەوانی دەربەندیخان ئاماژەی بەوەش کرد، چەندینجار لەگەڵ سەرەوەی خۆیاندا قسەیانکردووە و داوایانکردووە کێشەی ئەو کۆمپانیایە چارەسەربکرێت.
بەهۆی کەمیی پارە لە بانکەکانی سنووری سلێمانی، دابەشکردنی مووچە بە سستی بەڕێوەدەچێت و شایستە داراییەکانی بەشێک لە کۆمپانیاکانیش خەرجنەکراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ