رووداو دیجیتاڵ
ژمارەیەک لە دانیشتووانی شێخان بەهۆی بارانی بەخوڕی ئەم دواییانە زیانیان بەرکەوت. پارێزگاری دهۆک دەڵێت، لیژنەیەک بۆ خەمڵاندنی زیانەکان پێکدەهێندرێ و هاوکاریی سەرجەم زیانلێکەوتووان دەکرێ.
رۆژی دووشەممە، 09-02-2026، عەلی تەتەر، پارێزگاری دهۆک، لەکاتی بەسەرکردنەوەی ئەو ماڵانەی لە قەزای شێخان بەهۆی بارانبارینی بەخوڕەوە زیانیان بەرکەوت، رایگەیاند: ''سوپاس بۆ خودا، رووداوە سرووشتییەکە زیانی گیانی لێنەکەوتەوە.''
بەگوتەی عەلی تەتەر، جگە لە زیانی هاونیشتمانییان لە ناوەندی قەزاکە، بارانی بەخوڕ لە کەمپێکی ئاوارەکانیش زیانی بە چەند خێوەتێک گەیاند.
پارێزگاری دهۆک گوتی، لیژنەیەک پێکهێندراوە بۆ دیاریکردنی قەبارەی زیانەکان و ''هاوکاریی هەموو ئەو کەسانە دەکرێ کە زیانیان بەرکەوتووە، چ لە نێوشار و چ لە کەمپەکان.''
دوێنێ سەردار شێخ یەحیا، قایمقامی قەزای شێخان بە رووداوی گوت، کاژێر 03:30 خولەکی بەرەبەیان، بەهۆی بارانی بەخوڕ و بەرزبوونەوەی ئاستی ئاو، زیان بە نزیکەی 30 ماڵ و 17 ئۆتۆمبێل کەوت.
![محەممەد سەمعان [لای راست] و فەتی یڵدز، یاریدەدەری سەرۆکی پارتی بزووتنەوەی نەتەوەیی تورکیا- مەهەپە.](https://www.rudaw.net/s3/rudaw.net/ContentFiles/951431Image1.jpg?mode=crop&quality=70&rand=1&scale=both&w=362&h=226&version=8692991 "محەممەد سەمعان [لای راست] و فەتی یڵدز، یاریدەدەری سەرۆکی پارتی بزووتنەوەی نەتەوەیی تورکیا- مەهەپە.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ