هەڵەیەک روویدا! دووبارە هەوڵبدە
رووداو دیجیتاڵ
گوتەبێژی فڕۆکەخانەی نێودەوڵەتیی سلێمانی رایگەیاند، بەهۆی تەمەوە گەشتەکانی فڕۆکەخانەی پارێزگاکە راگیران.
رۆژی یەکشەممە، 11ی کانوونی دووەمی 2026، دانا محەممەد، گوتەبێژی فڕۆکەخانەی نێودەوڵەتیی سلێمانی، بە تۆڕی میدیایی رووداوی راگەیاند: "بەهۆی تەمەوە تاوەکو کاژێر 11:00 گەشتەکانی فڕۆکەخانەکەمان راگیران."
بەگوێرەی ماڵپەڕی فڕۆکەخانەی سلێمانی، ئەمشەو دوو گەشت بۆ ئیستەنبووڵ هەڵوەشاونەتەوە.
گوتەبێژی فڕۆکەخانەی نێودەوڵەتیی سلێمانی گوتی: "لە چوارچێوەی راپۆرتی کەشناسی ئەم بڕیارەمان داوە و کاژێر 11:00ـیش دووبارە چاوەڕێی راپۆرت دەکەین بۆ ئاساییبوونەوەی گەشتەکان؛ ئەگەر کەشوهەوا گونجاو بوو، ئەوکات ئاسایی دەبنەوە."
ئەمڕۆ کەشناسیی هەرێمی کوردستان رایگەیاند: "ئێوارەی دووشەممە شەپۆلێکی بەفر و باران ناوچەکەمان دەگرێتەوە و لە کاتەکانی بەیانیی پێنجشەممەدا کۆتایی دێت."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ