هەڵەیەک روویدا! دووبارە هەوڵبدە
هەولێر دیجیتاڵ
کەشناسیی هەرێمی کوردستان رایگەیاند، ئەمڕۆ ئاسمان نیمچە هەور و ساماڵ دەبێت. کەشناسێکیش دەڵێت، لە سێ رۆژی داهاتوودا، پلەی گەرما 5 بۆ 7 پلە بەرز دەبێتەوە.
بەڕێوەبەرایەتیی گشتیی کەشناسی و بوومەلەرزەزانى هەرێمی کوردستان، کەشى پێشبینیکراوى 48 کاژێری ئاییندەی راگەیاند؛ "ئەمڕۆ ئاسمان بەگشتی لەنێوان نیمچە هەور و ساماڵ دەبێت. لە سنووری پارێزگای هەڵەبجە ئەگەری کەمێک تاوەباران و برووسکە هەیە. خێرایی با مامناوەندە و ئاراستەکەی بەرەو باکووری خۆرئاوا دەبێت. پلەکانی گەرمان لە تۆماری دوێنێ نزیکن."
ئەمڕۆ (دووشەممە 11-3-2024) شاڵاو هیدایەت، شارەزای کەشوهەوا بە رووداوی گوت "لە سێ رۆژی داهاتوودا لە هەرێمی کوردستان پلەی گەرمی 5 تاوەکو 7 پلەی سیلیزی بەرزدەبێتەوە. ئەگەری هەیە تاوەکو 16ـی مانگ بەردەوام ببێت. بەڵام پێشبینی دەکرێت، لە 15ـی ئادار، شەپۆلێکی بەهێزی باران روو لە هەرێمی کوردستان بکات و تاوەکو 20ی ئادار بەردەوام ببێت."
لە راگەیێندراوەکەی کەشناسیی هەرێمی کوردستاندا هاتووە "سبەی ئاسمان ساماڵ دەبێت و پەڵەهەوری جیاجیا پەدا دەبن. خێرایی با لەسەرەخۆ دەبێت. ئاراستەی با بەرەو باکووری خۆرئاوا دەبێت. پلەی گەرما بە 1 تاوەکو 2 پلە بەرز دەبێتەوە."
بە گوێرەی کەشناسیی هەرێمی کوردستان، بەرزترین پلەی گەرمای پێشبینیکراو بە پلەی سیلیزی بۆ سبەی بەم شێوەیەیە:
هەولێر : 18
سلێمانی: 15
دهۆک: 18
زاخۆ: 18
هەڵەبجە: 20
کەرکووک: 21
سۆران: 18
حاجی ئۆمەران: 7
گەرمیان: 24
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ