هەڵەیەک روویدا! دووبارە هەوڵبدە
سەتڵی تایبەت بە ماددە نایلۆن و پلاستیکەکان دادەنرێت
رووداو - هەولێر
لە شاری سلێمانی هەڵمەتێک بۆ کەمکردنەوەى ئەو کەرەستانەى دوژمنى ژینگەن و شوێنگرەوەیان بە کەرەستەی دیکە دەستیپێکردووە و تاوەکو دواى جەژنی قوربان مۆڵەت بە چەند شوێنێکى گشتى دراوە ئەو کەرەستانە بگۆڕن کە بەکاریان دەهێنن.
ئاوات محەممەد، قایمقامى سلێمانی رایگەیاند، کۆمەڵێک رێوشوێنمان گرتووەتەبەر، لەوانە: نانەواخانە و سەموونخانەکان دەبێت زەرفى کاخەز بەکاربهێنن، چێشتخانەکان ئەو کەرەستانە بەکاربهێنن کە لە پشکنین دەردەچن، داواش لە حکومەت دەکەین وابکات بە هەموومان رێژەى کەرەستەى زیانبەخشى ژینگەیى کەمبکەینەوە.
هەموو یەکەنیشتەجێبوونەکانى سلێمانى ئاگادارکراونەتەوە بۆ دانانى سەتڵێکى دیکەى زیادەی تایبەت بە کۆکردنەوە و فڕێدانى کەرەستەى نایلۆن و تێکەڵ نەکردنیان بە پاشماوەکانی دیکە.
کەمال نورى، سەرۆکى ئەنجوومەنى یەکە نیشتەجێبوونەکان ئاماژە بەوە دەکات، لە قۆناخى یەکەمدا رێنماییمان بەخەڵک داوە کە هەڵدەستین بەکارێکى لەو جۆرە و کارمەندەکانیشمان ئاگادارن و داواى سەتڵى خۆى دیکەمان کردووە، قۆناخى دووەمیش جیاکردنەوەى کارتۆن و خۆڵ و خاشاکى دیکەیە".
ساڵانە دوو ملیار تۆن زبڵ لە سەرتاسەری جیهان بەرهەمدێت تاوەکو ساڵی 2050 ئەو بڕە بەڕێژەی 70% زیاددەکات. بەگوێرەی ئامارەکانی دەستەی ژینگەی هەرێمی کوردستانیش، رۆژانە 10 هەزار تۆن زبڵ کۆدەکرێتەوە، 55% بۆ 60ـی ئەو زبڵانەش لە پلاستیک و نایلۆن و کاخەزپێکدێن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ