رووداو دیجیتاڵ
لە گوندێکی نزیک شەقڵاوە بەهۆی تەزووی کارەباوە پۆلیسێک گیانی لەدەستدا؛ بەڕێوەبەری راگەیاندنی نەخۆشخانەی شەقڵاوە دەڵێت، دوای زیاتر لە سێ کاژێر زانراوە کەسەکە گیانی لەدەستداوە و تەرمەکەی دۆزراوەتەوە.
رۆژی هەینی 12ـی ئابی 2022، موحسین قەسرۆکی، بەڕێوەبەری راگەیاندنی نەخۆشخانەی شەقڵاوە بە تۆڕی میدیایی رووداوی گوت، ئەو کەسەی گیانی لەدەستداوە ناوی نەریمان عەزیزە، تەمەنی 37 ساڵە و دەوامی لە قەزای شەقڵاوە بووە.
نەریمان عەزیز خاوەن باخ بووە لە گوندی کەوەرتیان لە نزیکی شەقڵاوە و نیوەڕۆی ئەمڕۆ بە تەنیا سەردانی باخەکەی کردووە؛ دوای ئەوەی نەگەڕاوەتەوە باوکی چووەتە سۆراخی و بینیوویەتی گیانی لەدەستداوە.
بەڕێوەبەری راگەیاندنی نەخۆشخانەی شەقڵاوە گوتی، "تەرمەکە رەش و شین ببوویەوە، نیشانەی ئەوەیە چەند کاژێرێک پێش دۆزینەوەی گیانی لەدەستداوە."
تەرمەکە کاژێر 06:30 ئێوارە گەیێندرایە نەخۆشخانەی شەقڵاوە، دواتر رەوانەی دادپزیشکی هەولێر کرا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ