رووداو دیجیتاڵ
بەڕێوەبەرایەتیی چاودێریی بازرگانیی سلێمانی نرخی گۆشتی سووری دیاریكرد و داوا لە هاونیشتمانیانیش دەكات هەر گۆشتفرۆشێک لەو نرخە زیاتر پێی فرۆشتن، ئاگاداریان بكەنەوە.
سۆران عەبدولغەفوور، بەڕێوەبەری چاودێریی بازرگانیی سلێمانی بە تۆڕی میدیایی رووداوی رایگەیاند، لە ئەمڕۆ پێجشەممەوە نرخی یەك كیلۆ گۆشتی بەرخ بە 20 هەزار دینار و قیمە و گۆشتی گوێرەكەش بە 19 هەزار دینارە.
بەڕێوەبەری چاودێریی بازرگانیی سلێمانی هۆشداری بە گۆشفرۆشان دا و رایگەیاند، "هەر فرۆشیارێك لەو نرخە زیاتر بیفرۆشی بەپێی یاسا غەرامە دەكرێت، ئەگەر سەرپێچییەكی گەورە بوو شوێنەكەشی پێدادەخرێت."
بەڕێوەبەری چاودێریی بازرگانیی سلێمانی داوا لە خەڵكیش دەكات، لەكاتی بوونی گرانفرۆشی یان هەر سەرپێچییەكی دیكە لە رێگەی ژمارەكانی (100، 07707735566، 07701432224) ئاگاداریان بكەنەوە.
ئەوەش لە کاتێکدایە، لە ماوەكانی رابردوو نرخی گۆشتی بەرخ تاوەكو 22 هەزار دینار بەرزبووەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ