رووداو دیجیتاڵ
نێچیرڤان بارزانی پیرۆزبایی لە یانەی دهۆک دەکات و دەڵێت، "لە دڵەوە و بە گەرمی پیرۆزبایی لە یانەی دهۆکی خۆشەویست دەکەم بەبۆنەی سەرکەوتنی ئەمڕۆ و بۆ یەکەمجار بووە پاڵەوانی جامی کەنداو."
یانەی دهۆک ئەمشەو بە دوو گۆڵ بەرامبەر بە گۆڵێک لە یانەی قادسییەی کوێتی بردەوە و بۆ یەکەمجار بووە پاڵەوانی جامی کەنداو.
نێچیرڤان بارزانی، سەرۆکی هەرێمی کوردستان لە تۆڕی کۆمەڵایەتیی ئێکس لەبارەی سەرکەوتنەکەی یانەی دهۆک رایگەیاند، "ئەوان بەم سەرکەوتنە و بەم یارییە جوانە، دڵی هەموومانی لە کوردستان و سەرانسەری عێراق خۆش کرد. ئێمە هەموومان شانازی بە یانەی دهۆک ئەم سەرکەوتنە دەکەین."
سەرۆکی هەرێمی کوردستان دەستخۆشی لە تەواوی یاریزان و بەرپرسانی یانەکە دەکات و دەڵێت، "ئەوان جێگەی سوپاسی کوردستان و هەموو عێراقن."
نێچیرڤان بارزانی بۆ یانەی دهۆک: لە دڵەوە و بە گەرمی پیرۆزبایی ئەم سەرکەوتنە مێژووییەتان لێدەکەم، دڵی ئێمە، کوردستانییان و هەموو عێراقتان شادکرد pic.twitter.com/tHaRWjM1Pc
— Rudaw (@Rudawkurdish) April 15, 2025
نێچیرڤان بارزانی هیوای سەرکەوتنی زیاتر بۆ یانەکە دەخوازێت و دەڵێت،"هەر بژین، هەر هەبن و هەر سەرکەوتوو بن."
یارییەکە لە شاری دهۆک بەرێوەچوو و تیایدا دەیان هەزار هاندەر لە یاریگەکە ئامادەبوون و پشتیوانیان لە یانەکە کرد.
پێش یارییەکەش بەرپرسانی کوردستان پشتیوانی خۆیان بۆ یانەکە دەربڕی.
نێچیرڤان بارزانی، سەرۆکی هەرێمی کوردستان لەبارەی یارییەکەی ئەمشەو: ئەم هەمی پشتەڤانێت دهۆکێینە pic.twitter.com/5NMZeR1pct
— Rudaw (@Rudawkurdish) April 15, 2025
نێچیرڤان بارزانی پێش یارییەکە رایگەیاند، "ئەم هەمی پشەڤانێت دهۆکێینە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ