رووداو دیجیتاڵ
بەڕێوەبەرایەتیی گشتیی بەنداو و کۆگەکانی ئاو لە هەرێمی کوردستان رایگەیاند، ئەم وەرزەی بارین تاوەکو ئەمڕۆ نزیکەی یەک ملیار مەتر سێجا ئاو لە بەنداوەکانی هەرێمی کوردستان گلدراوەتەوە.
بەگوێرەی ئاماری بەڕێوەبەرایەتیی گشتیی بەنداو و کۆگەکانی ئاو بۆ رووداو، 25 بەنداو لە هەرێمی کوردستان هەن، بەنداوەکانی دووکان، دەربەندیخان، گۆمەسپان و دهۆک چوار گەورەترینن و زۆرینەی ئاو لە بەنداوانەدا کۆگەکراوە.
رەحمان خانی، بەڕێوەبەری گشتیی بەنداو و کۆگەکانی ئاو لە هەرێمی کوردستان، 12ـی ئەم مانگە بە تۆڕی میدیایی رووداوی راگەیاند: "جگە لە چوار بەنداوە گەورەکە، بەهۆی زۆریی بارینەوە، ئەم ساڵ زۆرینەی بەنداوە بچووکەکان سەرڕێژیان کردووە."
بەگوێرەی دوایین ئاماری بەنداوەکانی هەرێمی کوردستان، ئەم وەرزەی بارین بەنداوی دەربەندیخان زیاتر لە 5 مەتر بەرزبووەتەوە، بەنداوی دووکان زیاتر لە چوار مەتر و بەنداوی دهۆکیش نزیکەم نیو مەتر بەرز بووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ