کوردستان
کۆبوونەوەی سەرۆک مەسعود بارزانی و جەنەراڵ مەکفارلێن، فەرماندەی هێزەکانی هاوپەیمانان لە عێراق و سووریا
رووداو دیجیتاڵ
سەرۆک مەسعود بارزانی پێشوازی لە فەرماندەی هێزەکانی هاوپەیمانان لە عێراق و سووریا کرد. بارەگای بارزانی لە راگەیێندراوێکدا دەڵێت، باسیان لە چاکسازییەکانی وەزارەتی پێشمەرگە و "هەڕەشەکانی تیرۆر" کردووە.
ئەمڕۆ پێنجشەممە، 16-03-2023، سەرۆک مەسعود بارزانی لە پیرمام پێشوازی لە جەنەراڵ مەکفارلێن، فەرماندەی هێزەکانی هاوپەیمانان لە عێراق و سووریا کرد.
لە راگەیێندراوەکەدا هاتووە، سەرۆک بارزانی و ئەو فەرماندەیەی هاوپەیمانان لە کۆبوونەوەیەکدا باسیان لە "بەردەوامیی هەڕەشەکانی تیرۆریستان و پێویستیی هەماهەنگیی کۆمەڵگەی نێودەوڵەتی بۆ رێگەگرتن لە بەهێزبوون و پەلهاوێشتنی تیرۆریستان" کردووە.
لە بەشێکی کۆبوونەوەکەدا باسیان لە چاکسازییەکانی وەزارەتی پێشمەرگەش کردووە و "ژەنەڕاڵ مەکفارلێن سوپاسی هەوڵەکانی سەرۆک بارزانی کرد بۆ سەرخستنی چاکسازییەکانی وەزارەتی پێشمەرگە."
دەقی راگەیێندراوەکەی بارەگای بارزانی لەبارەی کۆبوونەوەکە:
سەرۆک بارزانی پێشوازی لە فەرماندەی هێزەکانی هاوپەیمانان لە عێراق و سووریا دەکات
ڕۆژی پێنجشەممە 16ی ئاداری 2023 لە سەلاحەددین سەرۆک مەسعود بارزانی پێشوازی لە ژەنەڕاڵ مەکفارلێن فەرماندەی هێزەکانی هاوپەیمانان لە عێراق و سووریا کرد.
لە دیدارەکەدا بەردەوامیی هەڕەشەکانی تیرۆریستان و پێویستیی هەماهەنگیی کۆمەڵگەی نێودەوڵەتی بۆ ڕێگەگرتن لە بەهێزبوون و پەلهاوێشتنی تیرۆریستان تاوتوێ کرا.
چاکسازییەکانی وەزارەتی پێشمەرگە تەوەرێکی تری ئەو دیدارە بوو و ژەنەڕاڵ مەکفارلێن سوپاسی هەوڵەکانی سەرۆک بارزانی کرد بۆ سەرخستنی چاکسازییەکانی وەزارەتی پێشمەرگە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ