رووداو دیجیتاڵ
سەرۆکی هەرێمی کوردستان بەبۆنەی هاتنی مانگی پیرۆزی رەمەزان، پەیامێکی بڵاوکردەوە، تێیدا هاتووە، "لە خودای مەزن داواکارین ئەم مانگە پیرۆزه ببێتە سەرەتای کۆتاییهاتنی ئازار و کێشەکان."
لیژنەی باڵای بینینی مانگ لە وەزارەتی ئەوقاف و کاروباری ئایینی رۆژی چوارشەممە 18ی شوباتی وەکو یەکەم رۆژی مانگی رەمەزانی ئەم ساڵ دیاریکرد. نێچیرڤان بارزانی، سەرۆکی هەرێمی کوردستان پەیامی پیرۆزبایی بەو بۆنەیەوە بڵاوکردەوە و دەڵێت، "هیوادارم هاتنی ئەم مانگە پیرۆزە، ببێتە مایەی خێر و بەرەکەت و سەقامگیری بۆ گەلی کوردستان و هەموو ناوچەکە."
لە بەشێکی دیکەی پەیامەکەیدا سەرۆکی هەرێمی کوردستان دەڵێت، "با ئەم بۆنە ئایینییە بکەینە دەرفەتێک بۆ قووڵکردنەوەی گیانی لێبوردەیی، تەبایی و پێکەوەژیان کە هەمیشە ناسنامەی جوانی هەرێمی کوردستان بووە."
هەروەها نێچیرڤان بارزانی دەشڵێت، "لە خودای مەزن داواکارین ئەم مانگە پیرۆزه ببێتە سەرەتای کۆتاییهاتنی ئازار و کێشەکان و پەیامی ئاشتی و تەبایی لە هەموو جیهاندا بڵاوببێتەوە."
دەقی پەیامی نێچیرڤان بارزانی، سەرۆکی هەرێمی کوردستان بەبۆنەی هاتنی مانگی رەمەزانی پیرۆز:
هاتنی مانگی پیرۆزی ڕەمەزان، به گهرمی لە موسڵمانانی کوردستان، عێراق و جیهان پیرۆز دەکەم. هیوادارم هاتنی ئەم مانگە پیرۆزە، ببێتە مایەی خێر و بەرەکەت و سەقامگیری بۆ گەلی کوردستان و هەموو ناوچەکە.
با ئەم بۆنە ئایینییە بکەینە دەرفەتێک بۆ قووڵکردنەوەی گیانی لێبوردەیی، تەبایی و پێکەوەژیان کە هەمیشە ناسنامەی جوانی هەرێمی کوردستان بووە.
لە خودای مەزن داواکارین ئەم مانگە پیرۆزه ببێتە سەرەتای کۆتاییهاتنی ئازار و کێشەکان و پەیامی ئاشتی و تەبایی لە هەموو جیهاندا بڵاو ببێتەوە.
رەمەزان له هەمووان پیرۆز بێت، ههموو ساڵێک به خێر و خۆشی.
نێچیرڤان بارزانی
سەرۆکی هەرێمی کوردستان
2026/2/17
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ