رووداو دیجیتاڵ
بارەگای بارزانی سوپاسی خەڵک و رێکخراوەکانی کوردستان دەکات کە بە هانای لێقەوماوانی لافاوەکەی چەمچەماڵەوە چوون و دەڵێت: "ئەمە نموونەیەکی بەرزی هاوسۆزی و هاودەنگیی نەتەوەیی و نیشتمانییە."
ئەمڕۆ پێنجشەممە، 18-12-2025، بارەگای بارزانی پەیامێکی بڵاوکردەوە و ستایشی هەڵمەتی بەرفراوانی یارمەتیدانی زیانلێکەوتووانی لافاوەکەی چەمچەماڵ و دەوروبەری دەکات.
لە پەیامەکەدا هاتووە: "دوابەدوای بارینی بارانێکی زۆر و روودانی لافاو لە سنووری چەمچەماڵ و دەورووبەری، رێکخراوەکان و هاووڵاتیان و خەڵکی کوردستان بەگشتی و لە ناوچە جیاوازەکانەوە، بەشێوەیەکی بەرفراوان یارمەتیی لێقەوماو و زیانلێکەوتووانیان دا."
بارەگای بارزانی ئەو دەستپێشخەرییەی خەڵک بەرز دەنرخێنێت و دەڵێت: "ئەوە نموونەیەکی بەرزی هاوسۆزی و هاودەنگیی نەتەوەیی و نیشتمانیی نێوان کوردستانیانە و جێگەی پێزانینێکی زۆرە."
دەقی پەیامەکە:
دوابەدوای بارینی بارانێکی زۆر و روودانی لافاو لە سنووری چەمچەماڵ و دەورووبەری، رێکخراوەکان و هاووڵاتیان و خەڵکی کوردستان بە گشتی و لە ناوچە جیاوازەکانی کوردستان، بەشێوەیەکی بەرفراوان یارمەتیی لێقەوماو و زیانلێکەوتووانی ئەو رووداوەیان دا، لێرەدا سوپاسی هەموو ئەوانە دەکەین کە یارمەتییان گەیاندووەتە لێقەوماو و زیانبارانی لافاوەکە، ئەوە نموونەیەکی بەرزی هاوسۆزی و هاودەنگیی نەتەوەیی و نیشتیمانیی نێوان کوردستانیانە و جێگەی پێزانینێکی زۆرە.
هیوای ئارامی و سەلامەتی بۆ هاووڵاتیانی خۆشەویستی کوردستان دەخوازین.
بارەگای بارزانی
18ی کانوونی یەکەمی 2025
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ