هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری گشتیی پەروەردەی سلێمانی رایگەیاند، بۆ خوێندنی ئەم ساڵ لۆکەیشن و کامێرای چاودێری لە پاسەکانی هاتووچۆی قوتابییان دەخرێنەکار.
رۆژی یەکشەممە، 20ـی تەممووزی 2025، نەژاد عەبدوڵڵا بە تۆڕی میدیایی رووداوی راگەیاند: "بۆ خوێندنی ساڵی 2025-2026، هەموو پاسەکانی سنووری پارێزگای سلێمانی کە هاتووچۆ بە قوتابییان دەکەن، لە گشت قۆناخەکانی خوێندن لۆکەیشن و کامێرای چاودێرییان تێدا دادەنرێت و دەخرێنە کار".
لە هەموو پارێزگاکانی هەرێمی کوردستان رۆژانە بەشێکی قوتابییان بە پاس هاتووچۆ بە قوتابخانەکان دەکەن. بەڕێوەبەری گشتیی پەروەردەی سلێمانی گوتی: "بە مەبەستی کەمکردنەوەی کێشە کۆمەڵایەتییەکان و رووداوەکانی هاتووچۆ، ئەم بڕیارەمان داوە".
بە گوتەی نەژاد عەبدوڵڵا، ئێستا کار لەسەر ئەم بابەتە دەکرێت، تاوەکو مانگی ئەیلوول کارەکانیان تەواو بێت. گوتیشی: "بۆ ساڵی نوێی خوێندنیش دەخرێنە کار".
لە هەرێمی کوردستان، زیاتر لە یەک ملیۆن و 720 هەزار قوتابی لە قوتابخانە حکومییەکان و زیاتر لە 132 هەزار قوتابی لە قوتابخانە ناحکومییەکان دەخوێنن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ