هەڵەیەک روویدا! دووبارە هەوڵبدە
رووداو دیجیتاڵ
دایک و کچێک لە شاری کرماشان لە کاتی چوونی کچەکە بۆ قوتابخانە گیانیان لەدەستدا و دوو کەسی دیکەش بریندار بوون.
ئەمڕۆ دووشەممە، 20ی تشرینی یەکەمی 2025، سولێمان موحبی، بەڕێوەبەری پەروەردەی کرماشان رایگەیاند: "لە رووداوێکی هاتووچۆدا لە شەقامی سەرابیانی کرماشان، دایکێک و کچەکەی کە قوتابی پۆلی 9 بوو، گیانیان لەدەستدا و دوو قوتابی دیکەش برینداربوون."
سولێمان موحبی گوتی: "ئۆتۆمبێلەکە تایبەت بووە و ژنەکە کچەکەی خۆی و دوو قوتابی دیکەی بۆ قوتابخانە بردووە و لە رێگەدا تووشی رووداوەکە بوون."
بە گوتەی سولێمان موحبی، دوو بریندارەکە بۆ نەخۆشخانەی کرماشان گوێزراونەتەوە و چارەسەر وەردەگرن.
بەپێی ئاماری دادپزیشکیی ئێران، لە 21-03-2024 تاوەکو 21-03-2025 لانیکەم 20 هەزار و 45 کەس لە رۆژهەڵاتی کوردستان و ئێران بە رووداوی هاتووچۆ گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ