هەڵەیەک روویدا! دووبارە هەوڵبدە
رووداو دیجیتاڵ
سەرۆکی ئەنجوومەنی نیشتمانیی کورد لە سووریا (ئەنەکەسە) دەڵێ، لە عەفرین و دەوروبەری، لەلایەن بەشێک لە ئەندامانی پێشووی گرووپە چەکدارەکانەوە پێشێلکاری بەرامبەر هاونیشتمانییانی کورد کراوە و سووکایەتی بە ئاڵای کوردستان کراوە.
بەگوێرەی چەند گرتەیەکی ڤیدیۆیی کە بڵاوکراونەتەوە، لە سنووری شاری عەفرین هێرش کراوەتە سەر گەنجانی کورد و سووکایەتییان پێکراوە و لێیان دراوە.
رۆژی شەممە، 21ـی ئاداری 2026، ئەحمەد حەسەن، سەرۆکی ئەنجوومەنی نیشتمانیی کورد لە سووریا (ئەنەکەسە) بە تۆڕی میدیایی رووداوی راگەیاند: "دوێنێ بەهۆی کۆبوونەوەی خەڵک بۆ جەژنی نەورۆز هەندێک کێشەی بچووک دروستبوون، بەڵام ئەمڕۆ پێشێلکاریی زۆر بەرامبەر کوردانی عەفرین کرا و بەشێکیشیان لێیان درا و ئازار دران."
ژمارەیەک هاووڵاتیی سووریا لە عەفرین ئاڵایەکی کوردستان لەسەر ئۆتۆمبێلی هاونیشتمانییەک دادەگرن و یەکێکیان سووکایەتی پێدەکات. pic.twitter.com/B2dZUltVVl
— Rudaw (@Rudawkurdish) March 21, 2026
سەبارەت بە شوێنی پێشێلکارییەکان، سەرۆکی ئەنەکەسە گوتی: "لە سەنتەری شاری عەفرین، و لەسەر رێگەی حەلەب - عەفرین رێگری لە هاونیشتمانیان دەکرێ. ئاڵای کوردستان دەخرێتە بن پێ و خەڵک ناچار دەکرێن بەسەر ئاڵاکەدا بڕۆن."
ئەحمەد حەسەن ئاماژەی بەوەش کرد، ئەو کەسانەی ئەو پێشێلکارییانە دەکەن، ئەو کەسانەن کە پێشتر لەنێو گرووپە چەکدارەکاندا بوون لە سنووری پارێزگای دێرەزووری سووریا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ