رووداو دیجیتاڵ
درۆنێک لە گوندێکی سنووری قەزای شارباژێڕ لە پارێزگای سلێمانی کەوتە خوارەوە.
فەرهاد ساڵح، قایمقامی قەزای شارباژێڕ بە تۆڕی میدیایی رووداوی گوت: "درۆنەکە ئەمڕۆ لە گۆڕستانی گوندی بێورێ کەوتووەتە خوارەوە".
درۆنەکە بووەتە چەند پارچە پارچە، بەڵام نەتەقیوەتەوە. قایمقامی شارباژێڕ گوتی، کەوتنە خوارەوەی درۆنەکە زیانی نەبووە.
لە جەنگی نێوان ئێران و ئیسرائیلدا کە 10 رۆژە بەردەوامە، چەندین درۆن و پاشماوەی مووشەک لە سنووری هەرێمی کوردستان کەوتوونەتە خوارەوە.
فەرهاد ساڵح دەڵێت: "نازانین درۆنی کوێیە و لە چی وڵاتێکەوە هاتووە".
دوێنێش دوو درۆنی دیکە لە سنووری سلێمانی و هەولێر کەوتنە خوارەوە، بەڵام زیانی گیانیان نەبوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ